LÁPIS KI'IK IDA
Lápis
ki'ik ida mak lalatak rai-rahun nian,
Lalatak
ne'ebé nunka husik bainhira loro-manas.
Ai-tahan
matak ki'ik ida mak ain-fatin ba mundu,
Ain-fatin
ne'ebé nunka husik bainhira rábas-udan.
Ha'u
la'o la mesak, ha'u la'o la tanis maibé
hamnasa
Ha'u
la'o la senti hamro'ok no hamlaha, ha'u la'o hodi la sura ain-fatin.
Lápis
ki'ik ne'ebé meik, tohar tiha iha sikun ida be ema la haree.
Lápis
ki'ik ida namohuk dadaun, maibé kor ne'ebé metan sai ona xavi mean ida.
Kór
sei la lakon, basá nabilan hanesan ahi-oan lakan.
Ha'u
fihir ona moris ne’e atu hateke mós ba
mate sira bé fihir mós ha'u.
Mak
ne'e ona hosi ha'u, atu pinta tuir ha'u lalatak.
Mak
ne'e ona, to'o ona iha ne'e, hodi haksolok hamutuk ho ha’u-nia fuan rasik.
@
Apeu Mesquita Babo
Dili
(Kampung Merdeka), 30 October 2015
02:22am
