Iha
konferensia ne’e, membru no fundadór AJTL hili Virgilio
Guterres atual Prezidente KI ho votus 221. Nune’e iha diskursu Prezidente AJTL, Zevonia Vieira
informa, ema ne’ebé ita hili reprezenta AJTL ba KI iha abilidade no
kapasidade ho vizaun ne’ebé di’ak.
“Ita
presiza figura ida ne’ebé mak bele reprezenta ita hotu, iha abilidade no
kapasidade sai lideransa, tenke iha visaun ida atu dezenvolve média iha Timor Leste”, dehan Prezidente AJTL iha diskursu, salaun Delta Nova, foin lalais ne’e.
Ema
ne’ebé ita hili, tenke iha kapasidade tekniku atu bele ajuda jornalista sira
sai kritiku liu, intelektual no sai profesiona, nia dehan “AJTL iha responsavel
bo’ot nu’udar sumbrinha ba nia membru sira ne’ebé servisu komunikasaun sosiál
nomós luta ba liberdade espresaun no imprensa atu koopera hamutuk ho Konsellu Imprensa
hodi atinji mehi ne’ebé ita hotu hakarak’’.
Tanba
AJTL nia membru kompostu husi jornalista
sira free lans, blogger, photographer, poeta nain sira, atevista direitos umanos,
estudante komunikasaun sosiál no fundador sira ne’ebé hamahan-an iha iha AJTL, hodi
hamutuk ho KI atu promove liberdade imprensa no espresaun.
Misaun
bo’ot husi KI atu promove liberdade espresaun no imprensa, promove
independensia ba meius komunikasaun sosiál atu asegura asosiasaun jornalista hala’o
sira nia atividade jornalistika no promove asegura kualidade profisaun
jornalístika nian.
“Relasiona
ho konseptu lei kriminalizasaun no defamasaun sai preukupasaun bo’ot ba ita
hotu ne’ebé mak servisu iha mundu jornalizmu, akademista no sosiedade sira. Tanba
lei ne’e, sei hamate ema nia liberdade atu ko’alia, atu espresa hanoin kritiku
sira ba orgaun ka instituisaun”, Nia tenik.
Nia
esplika, lori AJTL nia ejizenisa ba KI hodi nune bele halo mudansa ne’ebé ita
hotu hakarak atinji katak, Timor-Leste liu husi jornalista prontu atu kompete nasaun
desenvolvidu sira seluk.
Reportaje : Marcelino Fernandes
