(Grace
Media), Dili- Forum Organizasaun Naun Governamental Timor-Leste (FONGTIL) realiza
wokshop ho tema apresentasaun deskobrimentu no rekomendasaun final auditoria sosiál
2019 ba Governu.
Diretór Exekutivu FONGTIL, Daniel Santos
do Carmo informa, objetivu prinsipal husi sorumutu ne’e mak atu halo
aprezentasaun kona-ba rezultadu peskiza ne’ebé ONG 10 halo peskiza iha area
haat hanesan, edukasaun, infraestrutura baziku, agrkultura no inkluzasaun
sosiál atu nune ministeriu haat bele konsidera iha planu asaun Orsamentu Jeral Estadu
(OJE) Tinan 2020-2021.
“Auditoria sosiál ne’e la’o tanba hatudu
liu husi komitmentu polítika governu nian ne’ebé estabelese iha Gabinete Primeiru Ministru Apoiu Sosiedade Sivil”, dehan Diretor FONGTIL iha
Salaun Katedral, Dili, foin lalais ne’e.
Nia haktuir, objetivu seluk husi autoridade
social ne’e sai hanesan referensia ida ba deputado no deputada sira uza hodi
hala’o prosesu debate Orsamentu Jeral Estadu (OJE) 2020-2021. Tanba ne’e mak auditoria social ne’e hahu kedas
programa VI Governu konstituisional ne’ebé lidera husi Eis Primeiru Ministru, Rui Maria de Araujo no
kontinua agora.
FONGTIL Hanesan organisaun sumbrinha ba
NGO Nasionál no internasionál ne’ebé
kompostu husi organisaun lokal 202 no internasionál 28. Organizasaun hirak ne’e
sai hanesan parseiru kritiku ida governu
nian atu bele haree ba problema iha asuntu sira kona-ba kontextu social, ekonomia,
Politiku, Ambiente no Kultura.
Organizasaun sosiedade sivil 10 mak
implementa programa auditorial social, hanesan rede HASATIL halo auditorial
social iha munisipio Covalima, Fokupers halo servisu auditorial sosial iha
munisipio Ermera, (TLCI) Timor-leste Collection For Education halo servisu iha
munisipiu 12 inklui RAEOA no seluk tan.
Reportajen:
Ekipa Kobertura
