Prezidente CCI-TL: Kompaña Balun Seidauk Hetan Subsidiu 60%

(Grace Mídia), Dili – Prezidente Camara de Comersio e Industria de Timor-Leste (CCI-TL), Oscar Lima dehan, polítika governu apoiu subsidiu porsentu neen nulu (60%) to’o ohin loron kompaña balun seidauk simu.

“Subsidiu governu buat ida 60% balun hetan, balun seidauk hetan, tanba ita seidauk hetan sosializasaun klean kona-ba seguransa sosiál”, dehan Prezidente CCI-TL ba jornalista sira foin lalais ne’e iha.

Nia haktuir, subsidiu husi governu kona-ba 60% ne’ebé fó ba empreza sira to’o agora balun hetan no balun seidauk hetan tanba ne’e presiza halo sosializasaun atu nune’e ema hotu bele hatene tanba tamba seguransa sosial e tamba seguransa sosial ne’e  ami mós hola parte preza sira hola parte hotu.

“Ami mai hato’o mós buat ne’ebé mak iha ligasaun servisu kona-ba seguransa sosial tanba seguransa sosial ne’e, ami mós hola parte iha kriasaun seguransa sosial kamara de komersio industria Timor-leste”, Oscar esplika.

Uluk ema barak seidauk hatene, maibé prontu ita buka ona atu bele hatene ema barak komesa tau naran ona no apresenta-an ona. No durante iha Covid-19 ita konsege resista tan 9 mil Empreza.

Tenke sosializa para ema hodi hatene nia knar ba selu nia deveres kuandu selu nia deveres kuandu buat ruma hanesan ne’e foin dadauk pelumenus iha diskontu iha buat 60% ne’e, hotu-hotu bele hetan.

Reportajen : Cesar Pires   

Read More

MEJD Hasoru Embaixadora EUA Deskute Futuru Kooperasaun

 (Grace Media), Díli- Ministru Edukasaun Juventude no Desportu (MEJD) hasoru malu ho Embaixadora Estadus Unidus Amerika iha Timor-Leste, objetivu hodi deskute kona-ba futuru kooperasaun. Tanba antes ne’e EUA fó ona apoiu iha area edukasaun hanu husi nasionál to’o iha munisipiu.

Programa ne’ebé EUA apoiu durante ne’e la’o hela, maibé tanba impaktu husi surtu Covid-19 nomós implementasaun estadu emerjensia atividade no

programa sira suspende total.

Ministru Edukasaun Juventude no Desportu (MEJD), Armindo Maia informa, objetivu husi hasoru malu ne’e atu deskute kona-ba oinsá halo reativasaun  ba programa no atividade sira ne’ebé EUA halo iha area edukasaun nian.

 “Enkontru ohin ko’alia kona-ba kooporasaun servisu sira oinsá atu bele kontinua halo kooperasaun,” dehan Armindo Maia ba Jornalista Grace media iha Salaun MEJD, Villa-Verde, Dili, foin lalais ne’e.

Nia haktuir, durante ne’e EUA apoiu governu Timor-Leste mak hanesan fó formasaun lingua Ingles ba profesores ne’ebé hanorin iha Nivel Sekundariu, halo rehabilitasaun ba eskola sira, inklui mós apoiu merenda eskola ba ensinu Baziku no Pre-Sekudariu, liuhusi Care internasionál.

Iha fatin hanesan, Embaixadora Estadus Unidos Amerika mai Timor-Leste, Katheleen M. Fitzpatrick, agradese tanba bele hasoru malu ho MEJD bele fó hanoin ba malu kona-ba atu reativa programa sira iha area edukasaun nian.

“Estados Unidos Amerika ho Timor-Leste fahe objetivu forte iha edukasaun, edukasaun  iha Timor-Leste importante tebes, Estadus Unidus ho Ministro Edukasaun halo programa ko’alia kona ba kontinuasaun ami nia programa, importansia kolaborasaun komunikasaun ho Ministro Edukasaun,” informa Embaixadora EUA.

Reportajen : Marcelino Fernandes

 

Read More

ANPM KONTINUAPROMOVE INDUSTRIA PETROLEUM

(Grace Media), Dili - Diretor (Autoridade Nasional Petroleum no Minerais (ANPM), Mateus da Costa  hateten, ANPM hamutuk ho IN-VR realiza eventu Online Series Timor-Leste ho objetivu hodi promove konkursu públiku petrolifera ba bloku 18 ne’ebé Timor-Leste iha ne’ebé hetan lansamentu husi  Primeiru Ministru Taur Matan Ruak, iha loron 3 fulan Outobru 2019.

“Eventu ne’e rasik organiza husi IN-VR, kompania Event Organizer, husi Londres, Reinu Unidus, ne’ebé agora dadaun ita involve mos hanesan ita nia marketing agency hodi bele tulun ita, iha prosesu promosaun konkursu públiku no tulun Timor-Leste kompete iha mundu Intemasional ho nasaun sira seluk ne’ebe agora mos hala’o dadaun hela konkursu publiku hanesan Timor-Leste”, Mateus dehan ba jornalista sira iha edifisiu Ministru Financas, Dili, foin lalais ne’e.

Nia haktuir, konferensia online ne’e, lansa husi S.E. Victor da Concecéo Soares,  Ministru Petroleo no Minerais, depois rema lansamentu kontinua kedas ho aprezentasaun oradór sira parte husi tekniku no juridiku nivel altu husi ANPM nomós husi Australia, Londres, no Amerika.

Kompana sira ne’ebé agora dadaun opera hela iha rai laran, hanesan Kompaña SANTOS no SUNDAGAS, nomós kompaña sira seluk tan. Kompaña balun husi Intemasional Petrolifera sira ne’ebé lidera ona industria petroleum iha rejional no Internasional.

Reportage : Marcelino Fernandes

Read More

FKHTL Sei Komemora Loron Kbiit Laek Iha Suku Dare

(Grace Media), Dili-Forum Karidade Humanitaria Timor-Leste (FKHTL) sei komemora loron kbiit laek iha loron Kinta 30/07/2020, Suku Dare, Postu Administrativu Vera Cruz, Munisipiu Dili. Iha

Prezidente FKHTL, Costodio Soares da Costa hateten katak, FKHTL hanesan forum ida hodi halibur forsa voluntariu sira objetivu atu ajuda povu kbiit laek sira

ne’ebé presiza sira nia tulun.

“Iha loron kinta 30/07/2020, FKHTL sei komemora loron espesial ba ema kbiit laek no vulneravel sira, alem ida ne’e mós sei distribui sasan nesesidades baziku ba komunidade kbiit laek no vulnaravel sira iha suku dare”, dehan Costodio ba jornalista Grace Media iha nia knar fatin Vilaverde-Dili, Kuarta (15/07/2020).

Nia haktuir, alende FKHTL ditrubui sasan ba ema kbiit laek no vulneralvel sira nomós sei entrega uma ida ba defisiente ida ho naran Domingos Tapel de Araujo mak oras ne’e dadaun hetan moras no hela deit iha uma labele halo servisu.

Iha sorin seluk, Domingos Tapel de Araujo  esplika, nia sente kontente wainhira rona informasaun katak FKHTL iha inisiativa hakarak atu ajuda nia tanba nia kondisaun saude oras ne’e lapermite hodi hala’o atividade hanesan baibain.

‘’Hau senti kontenti no agradese ba Forum Karidade Humanitari Timor-Leste(FKHTL) ne’ebé responde ba hau nia preukupasaun, hodi kontinua atu finaliza nia uma ne’ebé mak halo la hotu atu nune hau ho hau familia bele hamahan fali iha uma ne’ebé ho dignu ba ami atu hela”, Domingos agradese.

Nia subliña, ohin loron nia hetan moras no hela de’it iha uma tanba hetan asidente eletrisidade soke iha loron 31/02/2019, hodi halo nia sai tiha hanesan ema defisiente fiziku no agora nia hanesan ema defisiente fiziku ne’ebé la bele halo servisu hodi sustenta nia feen ho oan nain tolu nebee mak sei kiik hela. Durante ne’e nia rian ho nia alian rasik mak suntenta nia feen ho nia oan no agora dadaun hela deit iha garajen motor nian.

“Hau husu ba Ministerio Solidariedade Social e Inclusivo atu tau matan ba hau familia liu-liu ba hau nia oan hodi hetan subsidiu ruma hodi bele suntenta netik ami nia moris, tanba hau hetan dezastre hau araska tebes wainhira hau hare hau oan sira halerik hodi husu hahan no osan atu ba eskola nian”, nia sujere.

Entertantu, Xefe Aldeia Baulok Fuguira, Andre Barreto informa, nia agradese no louva FKHTL  tanba sira mai hafanu autoridade lokal sira kona-ba asaun kariedade ne’ebé FKHTL halo iha komunidade nia leet hodi tulun komunidade sira ne’ebé moris kbiit laek no vulneravel.

‘’Hanesan Xefe Aldeia, hau sente orgullu no louva FKHTL ne’ebé responde komunidade nia preukupasaun no hau konsidera asaun ne’ebé FKHTL halo ne’e hanesan milagre ida ba iha hau nia aldei Baulok Fuguira”, nia kontente.

Reportajen: Fausto Ramlos Ribeiro/Alberto Ribeiro

Read More

AJTL Konsidera Petisaun Ne’ebé Noemio Falcao Ho Ninia Grupu Hato’o Ba PN Laiha Legalidade

(Grace Media), Dili- Asosiasaun Jornalista Timor Lorosa’e ( AJTL ) konsidera petisaun ne’ebé grupu petisionariu sira halo hodi kontra rezultadu konferensia hili reprezentante AJTL ba KI, Virgilio Guterres laiha legalidade.

 “AJTL konsidera petisaun ne’ebé Noemio Falcão ho ninia grupu hato’o ba Parliamentu Nasionél ne’e laiha legalidade no laiha lejitimidade”, dehan Presidente AJTL, Zevonia Vieira liuhusi konferensia imprensa ne’ebé hala’o iha sede AJTL Fatuhada-Dili, foin lalais ne’e.

Nia haktuir, tamba Noemio Falcao la’os membru AJTL no lapartisipa iha konferénsia AJTL nian. Tuir AJTL, desizaun konferénsia AJTL nian iha 4 Jullu mak desizaun ne'ebé aas-liu buat hotu tanba konferensista na’in 221 mak vota ba Virgilio da Silva Guterres.

“Kontinuasaun husi situasaun ne'e, Jornalista Timor Post, Neomio Falcão ho ninia grupu aproveita biban ne’e hodi hato’o petisaun ba Parlamentu Nasional atu protesta rezultadu eleisaun iha konferénsia AJTL nian ne’ebé Virgilio Lamukan nu'udar manan-na’in”, nia dehan.

Reportage : Cesar Pires

 

Read More