“Atu prevene hadaet
Covid 19, eskola sira tenke prepara fasilidade fase liman hanesan bee no sabaun
ba estudante sira hotu, molok tama sala de aula”, dehan MEJD liuhusi
konferensia imprensa Vila Verde, Dili, foin lalais ne’e.
Nia haktuir, edukasaun
hanesan pilar importante iha prosesu dezemvolvimentu rai laran kuandu la iha
edukasaun mak sei afeta iha rai laran ba futuru nasaun nian maibé iha situasaun
ida ne’e ita tenke trata ho kuidadu atu garante eskola hanesan fatin seguru no
saudavel ba estudante sira.
Informasaun agora
iha nasaun vizinu afeta ona Moras Covid-19, nia dehan, ho situasaun ida ne’e
sira dezemvolve no haree kategoria zona risku hanesan iha munisipiu Covalima,
Bobonaru inklui RAEOA.
"MEDJ hakarak
tau atensaun espesial ida ba eskola sira iha ne’ebá atu garante inan aman no profesor
sira kompriende duni ida ne’e mak dala hodi halo prevensaun tanba eskola, ema
barak halibur malu”, nia sujere.
Kona-ba re-ativa eskola,
nia husu ba direjente, professores, inan- aman, estudante no komunidade
edukativa iha teritóriu Timor-Leste laran tomak katak, eskola idaidak tenke
halo limpeza iha nia eskola rasik.
Hahú loron 1 fulan
juñu 2020, MJED husu ba diretór, coordenador, profesor, estudante no komunidade
edukativa sira hotu atu hahu halo limpeza iha ida-ida nia eskola hanesan
limpeza salas aula no resintu eskolár sira hotu.
Reportajen :
Orlando Magno.
