(Grace
Media), Dili- Oitavu governu konstitusionál liuhusi Ministra Solidadariedade
Sosial no Inkluzaun (MSSI) no Ministeriu Adminstrasasun Estatal (MAE) hala’o konferensia
emprensa ho objetivu atu fó hatene ba públiku katak hahu iha dia 09 Juñu governu
sei fó subsidiu ba komunidade sira iha
rai laran.
Ministra Solidariedade
Sosial Inkluzaun (MSSI) no Vice Primeira Ministra, Armanda Berta hateten,
Pandemia covid-19 iha Timor-Leste no deklarasaun estadu emerjensia fó impaktu
ba vida ekonomiku.
Vice Primeira
Ministra ne'e haktuir, governo Timor-Leste liuhusi MSSI foti medidas intervensaun
ho programa apoiu humanitario ba uma kain sira ne’ebé presiza liu iha teritorio
tomak.
“Apoiu humanetario
sei benefisia uma-kain sei realiza iha dia 09 fulan ne’e total orsamentu $.
298.119 milloens iha municipio 12 la inklui Raeoa, nune’e transferensia ho
total hamutuk montante $59,623,800.00 koresponde ba pagamentu apoiu uma-kain ba
fulan rua hamutuk $ 200.00 milloens”. Dehan Armanda iha edifisiu MSSI Kaikoli,
Dili, foin lalais ne’e.
Nia haktuir,
Objetivo husi apoiu monetario ne’e hodi garante sustenta familia sira tanba
situasaun Covid-19, tan ne’e, husu ba povu sira atu kolabora ho ekipa pagamentu.
“Kalendario no
prosesu pagamentu sei hala’o uluk iha 12 munisipiu, sei hahu tersa feira,
realiza iha suku tuir orariu pagamentu ne’ebé iha. Husu ba chefe uma-kain sira
atu marka prezensa iha sentru pagamentu tuir orariu pagamentu no kumpri ba
orientasaun husi ministeriu saude no ODS
kona-ba distansia fisiku no distansia sosial”, Armanda kompromete.
Reportajen :
Marcelino Fernandes
