AJTL Konsidera Esbosu Lei Kriminaliza Defamasaun Kontra Prinsipiu Ukun Rasik-An

(Grace Media), Dili- Prezidente Asosiasaun Jornalista Timor Lorosa’e (AJTL), Zevonia Vieira, konsidera esbosu lei kriminaliza defamasaun ne’ebé kria husi Ministeriu Justisa (MJ) kontra prinsipiu ukun rasik-an.

 

“Laaseita aplikasaun esbosu lei kriminaliza defamasaun tanba lei ne’e kontra prinsipiu povu Timor-Leste nia luta ba ukun rasik-an no kontra povu nia liberdade espresaun”, dehan Zevonia liuhusi konferensia imprensa iha Fatuhada, Dili, Tersa (16/06).

Nia haktuir, tanba lei ne’e sei fó protesaun ba ukun-na’in sira no sei hamate liberdade imprensa no liberdade espresaun ne’ebé konsagra ona iha konstituisaun RDTL artigu 40, 41 no 48 inklui lei internasionál kona-ba sireitu sivil polítika.

“AJTL nudar mahon ba jornalista sira haree katak esbosu lei ne’e laiha benefisiu ba demokrasia iha future no sei produz de’it jerasaun ne’ebé ho mindset ka pensamentu ditactor hodi hanesan nia povu rasik”, nia preokupa.

Lei ne’e mós laeduka sidadaun sira atu sai kritiku, maibé halo sidadaun sira tauk atu espresa sira nia hanoin publikamente hodi garante boa-governasaun no kontabilidade tuir prinsipiu demokrasia.

Reportajen: Raimundo S. Fraga

Read More

Diskusaun Editor Club, AJTL Husu Redasaun Média Presiza Promove Perspetiva Sensível Jéneru

(Grace Media), Dili – Diskusaun Editor Club ba datoluk ne’ebé realiza husi Assosiasaun Jornalista Timor Lorosa’e (AJTL) hetan apoiu husi United Nacional Development Program (UNDP) no governu korea liuhusi ajensia Koica no fasilita husi Conselho Imprensa (CI).

Prezidente AJTL Zevónia vieira esplika, objetivu husi diskusaun Editor Club ne’e, atu hare’e oinsá editor média sira bele komprende didiak atu nune’e sira bele promove perspetiva sensível jéneru iha redasaun.

“Iha diskusaun ne’e ita sei hare’e liu oinsá iha sala redasaun, editor sira bele komprende didiak oinsá mak halo kobertura iha área sensitivu sira hanesan, tribunal kona-ba violensia domestika”, dehan Zevónia iha diskusaun Editor Club, iha salaun CI, Quital-Bo’ot, Dili, Kuarta (10/06/2020).

Iha sorin seluk, Orador Lazima Onta-Bhatta konsidera, asuntu igualidade jeneru iha Timor-Leste hanesan parte ida importante ba ninia moris tanba senti no besik liu nia fuan hanesan feto no hanesan inan sira iha uma.

“Feto maluk sira ne’ebé monu ba violensia domestika, no la hetan fatin hanesan ho mane sira iha sosiedade. Hanesan tuir index economics aspecs education, hatudu feto nia partisipasaun menus liu ho de’it 34% enkuantu ba mane ho 76% ”, dehan Lazima.

Nune’e, Prezidente CI, Virgilio Guterres subliña, dezigualidade jéneru la’os foin mosu maibé, akontese kleur ona no metin ona iha ema nia ulun, entaun atu kore ida ne’e mak presiza jornalista sira nia kontribuisaun.

“Ita rekoñese katak ita nia sosiedade ne’e ho modelu patriarka, nune’e feto iha klase segundu, ne’e metin ona iha ema nia ulun, agora se mak atu muda ida ne’e, jornalista sira, média no publikasaun sira. Jornalista sira mak tenki hahu uluk atu liberta sira nia-an, hodi fó biban ba feto sira atu nune’e bele konsensializa sosiedade”, Virgilio informa.**

Reportajen: Serílio Verdial M. Borge/Alberto Pires

Read More

EA Entrega Pakote Ijiene Prevene Covid-19 250 Mil Ba MEJD

(Grace Media), Dili-Governu Australia liuhusi ninia embaixada iha Timor-Leste entrega pakote ijiene prevene Covid-19 hamutuk 250 ba Ministeriu Edukasaun Joventude no Desportu (MEJD).

Ministra Edukasaun Joventude no Desportu (MEJD), Dulce de Jesus hato’o agradesimentu ba Embaixador Australia (EA), no ba parseiru sira fó ona apoiu ekipamentus Covid-19 ba MEJD atu fahe ba estudante sira uza hodi hadok-an husi Covid-19.

“Semana ida ne’e ha’u bele dehan katak semana ida ne’e di’ak tebes ba MEJD ne’ebé hahu iha tersa-feira ho emabaixada Amerika apoiu maskra hamutuk 15 mil ba MEDJ no tuir fali husi Plan Internasional mós fahe tanke ho bee no material disinfektante, inklui ohin sesta-feira simu pakote ijiene hamutuk 250 mil husi embaixada Australia”, dehan MEJD liuhusi koferensia imprensa iha edifisiu MEJD Vila-verde, Dili, foin lalais ne’e.

MEJD seidauk iha orsamentu atu bele apoiu prosesu atividade eskola maibé, liuhusi parseiru dezemvolvimentu sira hotu nia tulun bele ajuda MEJD ninia atividade sira durante Covid-19 nia laran.

“Sr. embaixador ha’u tenke kolia sinseiru katak, bainhira Ministeriu Edukasaun hahu deskute ho Ministeriu Saude kona-ba kriteriu atu loke eskola, ha’u preokupa tebes oinsá, ami bele hetan material barak hanesan ne’e atu prense kriteria minimu ne’ebé MS sujere iha momentu ne’eba maibé ho amizade ho parseiru sira hanesan husi embaixada Australia, Plan Internasional, Fundasaun Alola no seluk tan, ho sira nia apoiu To’o ikus ha’u nia preokupasaun ne’e hotu lakon”, nia agradese.

Agora Ministeriu Edukasaun simu pakote ijiene hamutuk 250 mil maskras ida ne’e bele responde ona ba ensinu baziku hamutuk 942 iha teritiriu laran tomak tanba ne’e Lori VIII governu no estudante, professor inklui inan aman sira hotu katak komunidade edukativa tomak nia naran  hato’o agradese wain.

Iha fatin hanesan, Embaixador Australia iha Timor-Leste, Peter Roberts hatete, fiar katak edukasaun ne’ebé mak di’ak bele ajuda ema atu atinzi potensial ruma fó oportunidade hodi kontribui ba dezemvolvimentu ekonomia no sosiál.

 “Australia mos hakarak kontinua servisu hamutuk ho governu Timor-Leste infrenta Covid-19, tanba ne’e Australia hakarak servisu hamutuk ho Timor-Leste iha area oioin hodi kontinua luta kontra Covid-19 inklui luta kontra problema hanesan ekonomia, edukasaun”, nia hakotu.

Reportajen : Orlando Magno

Read More

Embaixadora EUA Hasoru MD Deskute Kooperasaun Area Projetu Lokal

(Grace Media), Dili-Ministru Defeza no Ministu Interior Interinu (MD), Filomino Paixão de Jesus, hala’o reuniaun ho Embaixadora Estadus Unidos Amerika (EUA), Kathleen Fitzhpatrick atu hametin liu-tan kooperasaun liuhusi projetu lokal

Embaixador EUA, Kathleen Fitzhpatrick hatete objetivu husi reuniaun ho Ministeriu Defeza mak atu hametin liu-tan relasaun liuhusi kooperasaun kona-ba  pojetu lokal nomós apoiu Covid-19.

“Ami halo reuniaun atu halo progresu relasaun liu-tan iha area defeza, ami ko’alia kona-ba projetu lokal programa eselente, ami mós ko’alia kona-ba apoiu Estadus Unidos iha area Covid-19 iha Timor-Leste ami fó apoiu osan hamutuk $.7.6 milloens. iha Covid-19”, dehan Kathleen ba jornalista sira hafoin remata reuniaun ho Ministru Defeza iha edifisiu Ministeriu Defeza Fatuhada, Dili, foin lalais ne’e.

Alende ne’e, embaixadora EUA subliña tan, durante ne’e sira (EUA) mós fó apoiu extra hanesan prepara maskra, prepara ekipamentu fase lima ba estudante sira no seluk-tan.

Iha fatin hanesan Minnistu Defeza no Ministru Interior Interinu (MD), Filomino Paixão de Jesus informa, tempu to’o ona atu bolu no kontaktu doadores sira tanba duante Covid-19 halo ema hotu sulan-aan.

“Covid-19 ne’e kleur ona halo ita hotu sulan hotu, agora hau sente katak to’o ona momentu ita bolu no kontaktu ba ita nia doadores, hau mak bolu embaixadora mai, ami tur hanoin ba oin, haree rekooperesaun”, nia relata.

Antes ne’e, Paixão afirma, ninia parte bolu uluk adidu militara sira halo reuniaun hodi haree fali programa depois Covid-19, tanba ita hakarak sira sai ita nian parseiru servisu atu oferese liu ba eskola universidade no fó treinu ba parte marina ne’ebé ita nia naval sira atu halo,  nomós aeroportu Baukau Estados Unidos sira iha komitmentu ona ho hodi aloka osan $.10 millões.

Reportaje : Orlando Magno

Read More