(Grace
media), Dili-Governu Xina liuhusi nia Embaixada iha Timor-Leste iha tempu badak nia laran sei fo apoiu ekipamentus hanesan farda, luvas no maskra hodi uza proteze-an husi Covid-19.
Ministru Defeza no Ministru Interior Interinu, Brigadeiru General
, Filomino Paixão de Jesus hatete, sorumutu entre Ministeriu Defeza no Ministeriu
Interior ho Embaixadór Xina, ko'alia kona-ba suporta ekipamentu sira Covid-19
ba PNTL (Polisia Nasional Timor-Leste) no F-FDTL (Falintil-Forsa Defeza Timor-Leste).
"Ekipamentu ne’e
mak husi Embaixadór Xina atu oferese tempu badak nia laran. Antisipadamente ita
aproveita, tantu husi Ministeriu Interior no Ministeriu Defeza", dehan
Paixão ba jornalista sira hafoin remata enkontru iha Kuarter Jerál, Fatuhada,
Dili foin lalais ne’e.
Nia relata, ohin mos
ko’alia kona-ba ospitál, hanesan amizade entre Xina ho Timor-Leste ba oin,
oinsá mak sira bele haree asuntu ida ne’e ho nia implementasaun sira.
"Ospital ne’e
sei konsisten iha uma rua, kada uma ida andar tolu, uma ida ita tau iha
espesialista sira ne’ebé halo atendimentu ba ema ne’ebé moras no uma ida fali
ita simu ita nia moras sira. Hau hatete ona ba embaixadór realmente ita aselera
ona ida ne’e, tanba agora ita sofre hela pandemia", nia informa.
Kona-ba atu loke
aeroportu no portu, nia esplika “Ami sei tetu hela tanba ami nia preokupasaun
mak ne’e karik ita husik livre hanesan uluk depois ema mai lori moras ita ho ki’ak
boot ida ne’e ita tahan ka lae".**
Reportajen : Orlando Magno
