(Grace
Media), Dili-Traballadór Timoroan ne’ebé serbisu iha nasaun Inglatera no Irlandia
halibur osan hodi ajuda familia kbi’it la’ek iha Aldeia Becusi-Kraik, Suku
Becora, Postu-Administrativu Cristu Rei, Munisipiu Dili.
Tuir Xefe Aldeia
Bekusi-kraik, Alise Moniz agradese ba traballadór Timor oan sira ne’ebé serbisu
iha Inglatera no Irlandia tanba bele ajuda familia kb’it la’ek sira atu nune’e
bele sustenta uma laran.
"Traballadór
sira apoiu maka’as ba aldeia ida ne’e tanba Aldeia ne’e sira nia moris fatin no
ran fakar fatin. Tan ne’e traballadór sira dehan, sasan sira ne’e fahe ba ema
ne’ebé agora presiza duni ai-han atu sustenta uma laran durante Estadu
Emergensia",dehan Alise ba jornaliata sira iha aldeia Bekusi-kraik, Dili,
Tersa foin lalais ne’e.
Alise hatutan, hanesan
autoridade, durante ne’e halo observasaun ba komunidade sira nia moris, barak mak
moris iha susar laran no presiza tebes ajuda tanba ne’e, ohin konsege fahe
sasan ba ema na’in 40.
"Kbi’it la’ek
hamutuk 40 mak ohin simu sasan ne’ebé apoiu husi ita nia oan, subrinu no maluk
sira agora servisu iha Inglatera no Irlandia mak fo sira nia kontribuisaun hodi
ajuda ba kbi’it la’ek sira iha ita nia aldeia ida ne’e", nia informa.
Ho apoiu ne’e, xefe
aldeia lori komunidade nia naran hato’o agradesementu no obrigado wain tebes ba
Timoroan sira nia laran luak ajuda ona komunidade kbi’it la’ek sira iha suku Bekora
hanesan fos, sedaap mie goren no manu tolun.
Iha fatin hanesan,
Benefisiaria, Domingas Antonia sente orgullu ba apoiu ne’ebé nia hetan tanba
durante Estadu Emerjensia senti defisil tebes ba necesidade atu sustenta uma
laran.
"Durante ne’e
ami senti difisil tebes tanba ita laiha servisu atu halo hodi sustenta uma
laran. Tan ne’e, hau fó obrigadu no agradese ba sira ne’ebé mak ajuda ona ami
maske ituan maibé ami simu ho liman rua, tanba ajuda ne’e la’os husi
governu", nia agradese.**
Reportajen :Orlando
Magno
