(Grace Media), Dili - Sekretariu Estadu Protesaun Sivil
(SEPS), Alexandrino Xavier Araujo hatete, durante udan boot hamosu dezastre mak
hanesan inundasaun, rai monu, no mos anin boot hodi sobu Sidadaun sira nia uma
hamutuk 2528 husi munisipiu neen (6) mak hanesan, Kovalima, Manufahi, Viqueque,
Manatutu, Lautem no
“Foin
dadaun akontesimentu ne’ebé akontese dezastre iha Timor laran, dadus provizoriu
husi munisipiu neen (6) hamutuk 2528 xefe de familia ida”, dehan SEPS ba
jornalista sira iha Palasiu Governu Dili, Segunda (25/05/2020).
Nia haktuir, situasaun
ida ne’e hetan difikuldade, maibé ohin ita mobiliza ona apoiu emerzensia
hanesan ai han ba iha parte leste no mos parte sul no apoiu emerjensia ne’e tula
ona ba munisipiu sira neebe vitima ba dezastre.
“Depois de apoiu
emerjensia remata halo fali levantamentu ba iha rekooperasaun hodi hatene lolos
kona-ba uma hira mak hetan estragus”, nia afirma.
Dadus ne’ebé SEPS simu
husi munisipiu Kovalima, nia esplika, total uma kain hamutuk 1185 kompostu husi postu
Tilomar, Zumalai ho Suai Vila, Munisipiu Manufahi uma kain hamutuk 207 husi postu Same Vila, Alas, Fatuberliu, Betanu, Munisipiu Baukau uma
kain 4 kompostu husi postu Baguia
no Venilale, munisipiu Viqueque uma kain hamutuk 407, munisipiu manatutu uma kain hamutuk 727 no munisipiu Lautem sei
halo asesmentu.
Reportajen : Orlando
Magno
