(Grace
Media), Dili-Durante implementasaun Estadu Emerjensia ba surtu Covid-19, juventude Aldeia
Virgolosa, Suku Vila-Verde Postu Administrativu Vera-Cruz, Munisipiu Dili hola inisiativa hala’o
asaun karidade hodi tulun familia kbi’it la’ek sira hamutuk ema na’in 73.
Xefe Aldeia
Virgolosa, Felisiana Iria Soares informa, nu’udar autoridade lokal Aldeia
Virgolosa nian hakarak hato'o agradesementu ba
joventude sira tanba bele ajuda ona familia kbi’it la’ek.
"Joventude
sira haree rasik ba ema ne'ebé menus liu nesesidade baziku, tan ne’e mak sira
hakarak halo kontribuisaun, ajuda fali ema neebe menus nesesidade", dehan
Xefe Aldeia ba jornalista iha Suku Vila-Verde, Dili, Kuarta (06/05/2020).
Iha fatin hanesan,
Xefi Komisaun, Arlindo Alves Mendonsa esplika, benefisiariu ne'ebe hetan
material hamutuk ema na’in 73, sasan sira ne’ebé fó apoiu hanesan fos hamutuk
1933 kilo grama (Kg), Sedaap Mie Goren hamutuk dox 58 no mina Bimoli hamutuk
litrus 209 litros.
"Ami fahe
sasan tuir dadus ne'ebe ami foti husi
xefe aldeia, ita haree ba ida ne'ebe ema barak ita fó montante boot no ida ne’ebé
ema ituan ita fó montante kiik", dehan xefe.
Ajudus ne'e La'os
deit ba komuniade permanente, nia esplika ba mós komunidade temporariu hanesan Kos. Entaun benefisiariu
sira hamutuk ema na’in 73 kompostu husi komunidade permanente hamutuk ema na’in
58 no komunidade temporariu hamutuk ema na’in 15.
"Ida ne’e la’os
apoiu husi Governu, la’os husi partidu no la’os husi organizasaun maibé ida ne’e
doadór husi profesores Portugês nomós husi aldeia rasik kontribui, ajuda komunidade
ne'ebé presiza nesesidade baziku ", nia afirma.
Entretantu
Benefisiariu, Julio Fereira sente kontente tanba bele hetan ajuda husi
joventude sira, Barak ka ituan, simu ho liman rua, importante ajuda malu tanba
ida ne’e la’os apoiu husi Governu.**
Reportajen :Orlando
Magno
