(Grace Media), Dili-Sarani katolika sira iha mundu inklui
Timor-Leste selebra loron Kuarta-Feira cinzas nudar loron dahuluk ba kuarezma no
hanesan tempo ida ne’ebé atu sarani ida-idak hadame-malu ho Maromak.
Tuir Amu selebrantes, Mateus Barreto
iha homilia hateten, ohin ita selebra no simu cinzas hanesan sinal no símbolu
ida mai ita sarani katolika katak ita ema mai husi rai sei fila ba rai.
“Iha hau nia homilia hateten, sarani
sira ohin ita selebra no simu cinzas hanesan sinal ou símbolu ida mai ita
sarani katolika katak ita ema mai husi rai sei fila ba rai”, esplika Amu
iha homilia wainhira prezide misa iha Igreja Bedois – Dili, Kuarta (26/02/2020).
kuaresma liturjikamente ita relembra fali
memoria ita Nai Jesus Kristu, nia subliña, ne’ebé mak nakonu ho espiritu santu.
Iha tempu kuaresma, igreja fó oportunidade ba ita atu prepara-an, hadia-an, refleta-an
liu husi prátika Penitensiano katak atu husu ba Aman Maromak atu haraik nia
Graca no perdaun mai ita nia moris tomak.
“Kuaresma liturjikamente ita relembra
fali memoria ita nai jesus kristu ne’ebé mak nakonu ho espiritu santu, igreja
fó oportunidade ba ita atu prepara-an, hadia-an, refleta-an liu husi prátika
Penitensia”, amu esplika.
Amu selebrante fundamenta katak, kuaresma
iha buat tolu ne’ebé mak importante, primeiru
sarani kristaun halo jejun, segundu halo esmola no terseiru halo orasaun
hodi prepara-an atu tama ba festa paskua.**
Reportajen: Evangelina Domingas Ximenes.
