(Grace
Media), Dili – Komunidade Aldeia 20 De Setembro Suku Bebonuk, Albinho do Rego preokupa
hahalok komunidade nian tanba lakuidadu foer , nafatin soe foer iha mota laran
no valeta.
“Duante ne’e Governo prepara ona lixu fatin maibé,
komunidade hanoin di’ak de’it, ba so’e fo’er iha mota laran. Lixu iha mota
laran fó impaktu la di’ak tanba udan mai bee lori foer sira ba tasi hodi
estraga buat barak iha tasi”, Dehan Albinho ba Grace Media iha Bebonuk-Dili foin lalais ne’e.
Albinho
haktuir, hahalok ida ne’e hatudu katak konsiensia komunidade nian laiha. Problema
seluk, Governu mós kria ona fatin lixu, maibé laiha ema ida mak halo kontrolu,
tuir lolos Saneamentu Munisipiu Dili
tenke halo kontrola atu nune’e labele soe lixu iha mota laran tanba komunidade
ho komunidade labele kontrola malu.
“Husu
ba autoridade lokal liu-liu Ministeriu sira, presiza halo treinamentu fó
formasaun, oinsa atu prevene lixu la bele soe lixu arbiru inklui iha mota
laran”, nia husu.
Xefi
Aldeia 20 de Setembro, Isac Aleixo Pinto informa hanesan xefi aldeia rekoñese
katak komunidade aldeia 20 de Setembro sempre soe lixu iha mota laran no valeta
kuak tanba laiha lixu fatin.
“Governo
oferese ona kareta raut foer, maibé fatin lixu laiha tanba ne’e komunidade soe
foer arbiru de’it. Kalan mais ou menus tuku 10:15 ba leten, lori motor kareta
lalin foer husi do’ok mai so’e hela sira halai”, nia preokupa.**
Reportajen: Joanico Bossa
