(Grace
Media), Dili-Estudante
husi sentru formasaun Grace For Development (GFD), liu husi Departamentu Ingles
hala’o vizita dahuluk ba Uma Amerika objetivu atu asesu informasaun kona-ba Uma
Amerika ne’ebé hama-an iha Universidade Nasional Timor Lorosa’e (UNTL).
"Estudante
sira mai aprende no bele asesu informasaun, Biblioteka online iha uma mahon
Amerika iha UNTL objetivu atu hatene kona-ba uma mahon Amerika nian",
dehan Formador Lian Ingles, Mateus dos Santos ba Grace media iha Uma
Amerika-UNTL, foin lalais nee.
Mateus
haktuir Centru formasaun GFD halo kolaborasaun ho Uma Amerika atu nune'e ba oin
sai parseria ne’ebé di’ak liu tan. Tanba uma mahon Amerika sai sentru
informasaun kultura Amerika nian.
Iha sorin
seluk, Koordenador Uma Amerika-UNTL, Ezaquiel de Jesus Ribeiro informa, Uma
Amerika hanesan cetru kultura Amerika ne’ebé asuame papel importante, primeiru
fahe informasaun kona-ba Estados Unidos, segundu prepara Biblioteka ba ema
ne'ebé mak hakarak asesu informasaun, terseiru asesu Biblioteka Eletronika ka Online
library.
"Ami
iha programa ingles ba labarik ki'ik nomós ba ema boot sira nia prepara ba iha
programa Wisely, ami mós prepara formando sira ba aplika iha embaixada Estados
Unidos, wainhira embaixada simu entaun haruka aplikante sira ba Estados Unidos
hetan formasaun kona-ba lideransa durante semana ne'en maibé depende ba
programa", Ezaquiel esplika.
Iha fatin
hanesan estudante GFD, Departamentu lian Ingles, Almeida Gonçalves Barreto
senti kontente tanba bele hetan informasaun foun husi Uma Amerika kona-ba oinsá
atu asesu iha bolsu estudu.
"Ami
senti kontente tanba liuhusi oportunidade ida ne'e ami bele hatene prosesu
oinsa atu asesu ba bolsu estudu tanba ida ne'e hanesan buat foun mai ami atu
aumenta ami nia kapasidade", Almedia saliente.**
Reportajen : Orlando Magno/Aniceto Belo
