(Grace media), Dili–Eskola Sekundaria
Jeral (ESJ) 4 de Setembru UNAMET Balide-Dili, estudante hamutuk ualu nulu (80)
okupa sala ida, menus Meza, kadeira no sala de aula sai preokupasaun ba
estudante sira.
Tuir
Estudante ESJ 4 Setembru UNAMET, Zerónimo
da Silva hateten katak: hanesan estudante sente triste tebes ba problema ne’e,
tanba ho numeru estudante ne’ebé boot no menus meza, kadeira no sala de aula ne’e.
difikulta tebes prosesu aprendisajen.
“Hanesan
estudante sente triste tebes, ami sei menus nafatin meza no kadeira inklui sala
de aula, nune’e la fasilita ba ami estudante atu tuir prosesu aprendisajen,
dehan Zerónimo ba Graçe media,
Balide-Dili foin lalais ne’e.
Zerónimo
hatutan, numeru estudante barak liu, tanba iha aula ida estudante 80. Meza,
kadeira no sala de aula menus difikulta prosesu aprendisajen nomós halo
estudante barak mak abandona sira nia estudu no lakon vontade hodi aprende.
“Durante ne’e Ministeriu Edukasaun (ME)seidauk
tau atensaun maximu ba ami nia problema ida ne’ebe mak agora dadaun ami hasoru
hanesan menus fasilidade iha eskola, 4 setembru UNAMET tanba ne’e husu ba
ministeriu edukasaun atu bele hare ba problema ida ne’ebe mak ami hasoru”, estudante
sujere.
Nia
sublina, fasilidade nudar meiu ida importante ba estudante sira hodi fasilita
sira hodi aprende, maibé wainhira fasilidade laiha estudante sira lakon vontade
no komitmentu atu aprende maske edukasaun xave ba dezenvolvimentu nasional.
Realsiona
preokupasaun estudante nian, Diretor ESJ 4 Setembru, Dorteus Manggut rekoñese katak ESJ 4 Setembru hasoru
duni problema tanba numeru estudante iha tinan ida ne’e aumenta kompara tinan
kotuk.
“Hau
hanesan Diretor ba eskola ida ne’e, hau nia observasaun ba eskola ida ne’e,
menus duni fasilidade eskola hanesan meza , kadeira , inklui sala de aula, tanba
estudante ida agora lahanesan ho tinan kotuk liu ba, tanba numeru estudante
aumenta tan, se ami la simu estudante sira Ministriu Edukasaun (ME) tenke
obrigatoriu hodi simu estudante sira, maibe se ami simu estudante sira ho
numeru ne’ebe a’as tebes , estudante sira hasoru problema”, Diretor rekoñese.
Diretor
subliña, tinan kotuk liu ba, eskola ne’e laiha problem aba fasilidade, maibé
tinan ida ne’e menus fasilidade tanba numeru estudante aumenta nomós estudante barak mak transferensia mai
eskola ida ne’e.
Ho problema
ne’e, Diretor husu ba Ministeriu Edukasaun atu bele rezolve lalais problema
ne’ebe mak agora dadaun estudante sira hasoru tanba estudante balu sei tau
kadernu iha kelen hodi tuir prosesu aprendisazen.**
Reportajen : Sabina Sancha Cardoso.
