"Sira
iha kompremisiu boot bele rekruta Timor Oan sira hamutuk rihun rua (2.000) too
rihun sanolu (10.000) iha tinan ida ne’e, maibé sira presiza atu hadia sistema
komunikasaun di’ak no mós baze dadus", dehan Julião ba jornalista sira iha
nia knaan fatin Kaikoli-Dili foin lalais nee.
Julião
afirma,wainhira atu ba servisu iha rai liur prioridade liu mak haree ba iha
lina komunikasaun no estabelesimentu ne’ebé di’ak, liu-liu tratamentu viza no
tikete iha proposta ida hatoo ba SEFOPE.
"Lista
kandidatus neebe SEFOPE iha dadaun nee kandidatus hamutuk rihun sanolu (10.000)
resin, kandidatus atu ba korea hamutuk atus hitu resin no mos kandidatu atu ba Australia
hamutuk rihun sanolu, ida nee seidauk konta kandidatu ne’ebé mak halo teste iha
munisipiu Dili tamba fulan Fevereiru mak sei halo teste", nia esplika.
Nia
sublina, base dadus neebe mak munisipiu sanolu resin ida inklui RAEOA iha.
Maibé ne’e seidauk inklui Dili, kandidatu sira iha munisipiu Dili mak tuir hotu
teste bele too rihun ruanolu.
entretantu
kandidatus sira ne’ebé mak ba iha Australia sei servisu iha area holtekultura
nomós ajensia sira iha programa rua (2), primeiru, programa servisu durante
fulan neen(6) too fulan sia(9) segundu, programa servisu durante tinan tolu too
tinan lima**
Reportajen :Orlando Magno
