(Grace Media), Dili-Hahalok soe bebe oras
ne’e sai preokupasaun bo’ot ba públiku inklui estudante Universidade Nacional Timor-Lorosa’e (UNTL), Pasquela Soares Pires, sente lamentavel ho atetude ne’e no nia konsidera nu’udar
aktu inresponsabilidade.
“Hau nu`udar estudante hau senti ba buat ne`ebé kolega feto
sira, estraga bebe, iha fatin ne`ebé deit, hahalok ne’e, hau senti la satisfaz”,
dehan Parquela ba Jornalista Grace Mídia iha Largo Lecidere foin lalais ne’e.
Pasquela haktuir, tuir lolos hahalok ne`e, feto
sira lamerese atu sai nune’e, se sira sente laiha kapasidade no kbiit hodi
kuidadu labarik, dalan di’ak mak entrega ba orfanatu sira hodi bele haki’ak
maibé buat hotu depende ba feto idak-idak.
“Fila
fali ba edukasaun feto maluk ida-idak, nia hanesan komunidade iha eduka, husi inan aman, nomós Xefe Suku no Xefe Aldeia, oinsá
bele fó moral ba feto maluk sira atu labele
estraga bebe iha fatin refere”, estudante ne’e lamenta.
Kona-ba
feto maluk balun soe bebe hamutuk nain ne’e, nia sujere ba feto maluk sira
katak, maske ita halo ona hahalok ne’e no ita kontente ohin loron, maibé ba futuru nia sei simu konsekuensia no
sei mosu problem aba nia.
“Hau hakarak
sujere ba feto maluk sira ne`e, ita
nia hakarak labele soe bebe iha fatin ne’ebé deit, no ida ne`e lasatisfas iha
ita nia moris. Karik laiha responsabilidade bele entrega ba ema seluk hodi haki’ak”, nia
sujere.
Nune’e mós Xefe Aldeia Zero Um, Suku
Kampu Alor , Estela Aleixo lamenta ba atetude feto maluk sira ne’ebé soe bebe
ne’e hatudu laiha konsiensia. Nia esplika buat forma labarik, ita nu’udar inan
no aman nia hakarak, maibé ita halo
terus labarik.
“Ita dehan pasado boot tebes , la’os labarik mak hakarak mai
iha mundu ne`e, maibé
ita nia inan no aman nia hakarak, ita ko’alia buat ne`ebe mak honestu,
mais hau fiar katak ba
feto maluk sira ne`e
pekadu bo`ot ida”, nia dehan.
Nu’udar feto ida representante povu ida
ne’e, nia esplika, sente triste dala
barak nia rona informasaun ida iha Becora ne`ebe akontese soe labarik, hanesan ne`e
sente triste , kuandu lakohi
labarik fó ba ema seluk ka entrega ba orfonatu madre sira nian hodi bele haree
sira labele hanoin buat ida soe ne`e pekadu bo`ot tebes.
“Hau husu ba feto maluk sira, primeiru jaga ita nia dignidade , ne`e importante
valor bo’ot liu buat hotu, ita moris iha mundo ne’e dalan luan ba feto ka mane
no dalan ida ne’e sai ba madre no padre no ida sai ba forma uma kain buat hotu-hotu
maromak mak termina laos ita mak termina. Segundu ita rasik mak termina”, Xefe
Aldeia lamenta.
Nu’udar inan ida, nia fó mensajen ba feto
maluk sira, se kuando feto mane Hakarak malu atu tau labarik iha mundu ne’e
labele hanoin atu soe bebe ne’e, tanba bebe ne’e sei inosente hela.**
Reportajen: Teresa Maia
