(Grace
Media), Dili-Sentru Saude Comoro oras ne'e rejista kazu malnutrisaun hamutuk 32
husi fulan Janeiru to'o Febreiru tinan ne'e. Total husi kazu malnutrisaun ne'e,
barak liu husi labarik kiik.
Tuir
Koordenadora Sentru Saude Comoro, Ana Maria Ximenes Monteiro katak, kazu
malnutrisaun ne'e mosu tanba inan isin rua sira menus konsumu hahan ho
nutrisaun ikus mai afeita ba labarik kiik sira.
"Hau nu’udar Koordenadora hatene kaju malnutrisaun iha
tinan 2019, total dadus 32 pessoas, ema ne'ebé mak grave ba risku malnutrisaun,
barak liu mak labarik ki'ik”,dehan
Koordenadora ba jornalista Grace Media iha nia knar fatin foin
lalais ne'e.
Koordenadora haktuir, kazu malnutrisaun
ba inan isin rua sira iha risku mós ba bebe iha kabun laran, tamba inan sira
menus komsumu aihan ho nutrisaun no konsumu aihan ne'ebé ladun kompletu.
"Iha
Sentru Saude Comoro, ami atende inan isin rua, inan fo susu ba labarik no
labarik ne'ebé malnutrisaun. Ami atende iha aihan oin tolu, mak hansesan
plapina, plapison, no proteina, fo tuir hahan ne'ebé sira konsumu, no labarik
ne'ebé malnutrisaun grave, fo hahan tuir nia todan, aas, no braco, no tenke
simu hahan semana semana. Hahan ne'e khusus ba labarik ne'ebé
malnutrisaun grave, labele fo ba ema kondisaun normal", Ana esplika.
Kona-ba baixa pasiente malnutrisaun, Ana
deklara, Sentru Saude Comoro laiha fatin atu fo baixa ba ema ne'ebé risku
malnutrisaun, halo deit atendementu kona-ba aihan ba pasiente sira. Wainhira baixa
sentru saude Comoro halo rujukan
ba Hospital Nasional Guido Valadares.
“Hau hanesan Koordenadora ba programa
malnutisaun, iha responsabilidade atu atende ema ne’ebé risku malnutrisaun, liu husi hau nia
kapasidade hodi fo atensaun liu-liu konselling
ba inan sira, fo hanoin no atensaun
ba oan sira, atu hadok an husi moras, liu husi limpeza uma laran, ninin, buat
foer no halimar rai rahun, han lafase liman, afeita moras hanesan inus ben,
mear, kabun moras, bele mos inklui risku malnutrisaun”, Koordenadora fo hanoin.
Atu kombate problema malnutrisaun, koordenadora hato’o nia prontidaun hodi
serbisu hamutuk ho Governu liu-liu Ministeriu Saude (MS) atu nune’e bele
rezolve problema, maibé apoiu fasilidade ba sentru hotu hodi nune’e bele halo
atendementu ba pasiente sira ho diak.*
Reportajen
: Bicaldina Maia / Jorgelino Pinto
