(Grace Media),DILI-Universidade Oriental Timor Lorosa’e
(UNITAL), Fakuldade Siensia Informatika, Departementu Informatika (DI), oras
ne'e enfrenta problema fasilidade laboratorio, difikulta prosesu pratika.Tuir Estudante DI, Samuel Francelino Pereira dehan, hanesan estudante sente triste wainhira hala'o pratika tanba menus fasilidade laboratorio hanesan komputador no mos sala aula.
“Hau nudar estudante Departamentu Informatika iha
universidade ne'e, hau sente triste, menus fasilidade laboratoriu, sala aula,
ami susar atu pratika, razaun komputador
ladun barak, maioria at no diak iha rua
deit ‘’, dehan Samuel ba jornalista Grace Media kampus UNITAL Bekora-Dili, Kuarta-feira,
(27/03/2019).
Hatan
preokupasaun ne'e, Xefe Departamentu Informatiku-UNITAL, Delfin da Silva dehan,
hanesan Xefe rekoiñese katak, DI
enfrenta problema fasilidade tanba universidade ne’e uza laboratoriu jeral deit
no laboratoriu informatika seidauk iha.
“Ami iha laboratoriu ida deit ne’ebé mak inklina-an
iha universidade ida ne'e, husi departamentu hirak ne’ebé mak iha universidade
hamutuk hodi utiliza jeral’’, dehan Xefe.
Maske DI hasoru problema, maibé hanesan xefe, nafatin buka
meus ida, tur hamutuk ho fundasaun atu bele estabelese laboratorio, oinsa atu
fasilita estudante sira halo pratika tanba pratika importante oinsa atu bele
haklean koiñesementu.
“Departamentu iha ona planu ba oin fo hatene ona ba
parte universidade, atu bele kria ba ami nia Departamentu Informatika, atu
nune’e ami nia estudante bele utiliza hodi pratika ba area area teknolojia”, xefe
promete.
Xefe sublina, durante ne'e halo ona proposta no
entrega ona ba universidade, maibé too ohin loron seidauk iha resposta.
Problema seluk, falta sala aulas ba DI tanba ne’e husu ba Ministeriu Eduksaun (ME) tau atensaun ba eskola tanba
edukasaun mak save importante ba futuru oin mai.*
Reportajen:
Abrão Freitas
