(Grace Media), Dili-Traballador husi Kompanhia
Gardamor, Lucioner Santos husu ba Kompanhia Gardamor atu hasae salariu traballador
nian tanba osan ne’ebé sira simu lasufisiente atu uza ba nesecidade lorloron
nian.
“Hau
hanesan seguransa, senti triste tanba kompañia Gardamor selu, salariu minimu
liu montante dolar atus ida rua nulu (120) dollar, hodi difikulta ami nia
nesecidade lor-loron nian”, dehan Santos ba jornalista iha Colmera-Dili, Sexta (29/03/2019).
Traballador hatutan, Kompañia Gardamor ejiste kleur ona iha Timor-Leste
hodi ajuda Governo, no fo servisu ba joventude sira. Tuir lolos salariu tenke selu
traballador ho salariu ne’ebé diak.
“Ami seguransa ho haraik-an husu ba kompañia atu hasae netik ami
nia salariu mais ou menus ho montante dolar atus ida lima nulu (150), no husu
mós parte kompetente liu-liu SEFOPE atu rezolve problema ne`e”, traballador sujere.
Hatan preokupasaun ne’e, Diretor Jeral Kompañia, Gardamor
Eduardo Belo esplika, kompañia Gardamor selu seguranca sira nia salariu tuir
standar ne’ebé mak SEFOPE (Secretari Estado Formação Profesional no Empregu) fo,
tan ne’e mak kompañia selu seguransa sira montante dolar atus ida rua nulu (120).
“Hau hanesan Diretor kompañia,selu salariu ba seguransa sira
bazeia ba standar ne’ebé mak SEFOPE fo, kada fulan ho salariu montante dolar
atus ida rua nulu (120)”, Diretor esplika.
Diretor afirma, tuir lolos kompañia bele hasae seguransa sira
nia salariu maibé bazeia ba kontratu entre kliente ho kompañia ne’ebé mak durante
ne’e halo ona akordu hamutuk.
“Ami sei buka meius ida iha tempu badak, atu lobi kliente sira
ne’ebé mak durante ne`e servisu hamutuk ho kompañia Gardamor atu hasae salariu
kontratu ho kompañia, nune’e kompañia Gardamor bele hasae seguransa sira nia salariu
mais dolar atus ida lima nulu (150) dollar ou dolar atus ida nee nulu resin
lima (165).
“Hau sei buka meius ida iha tempo badak nia laran atu lobi kliente
sira ne’ebé mak servisu hamutuk ho kompanhia atu hasae salariu kontratu ho
kompañia atu nune`e kompañia bele hasae seguranca sira nia salariu”, Diretor
kompromete.*
Reportazen
:Elias Ornai
