(Grace Media), Dili-Mahon
Trainning Center (MTC) hanesan organizasaun naun Governamental ida ne’ebé
durante ne’e oferese formasaun ba joven sira iha area oin-oin hodi kontribui ba
dezenvolvimentu nasional, maibé fasilidade sai nafatin problema boot ba sira.
Tuir Diretor Mahon Training
Center (MTC), Angelo Fernando Ximenes katak, problema ne’ebé MTC hasoru mak
fasilidade hanesan meza no kadeira sira ne’ebé estudante sira uza hodi hala’o
prosesu aprendisajen.
“Problema ne’ebé ami hasoru mak
menus fasilidade hodi afeita ba ami nia prosesu aprendisajen”, dehan Fernando
ba jornalista Grace Media iha Ai-tarak Laran-Dili, Tersa, (02/04/2019).
Fernando haktuir, maske hasoru
problema oin-oin, maibé laimpede prosesu aprendisajen. No tinan ida ne’e MTC
simu estudante hamutuk atus tolu hat nulu resin tolu (344).
“Ami simu numero estudante iha
tinan ida ne’e hamutuk 344, iha estudante sira ne’e fahe ba oras keta-ketak, iha
dadersan sira tama tuku 8:00, numeru estudante kada klas iha 30 ou 45”, Fernando
esplika.
Nia salenta, MTC hanesan sentru
ida oinsa atu prepara joven sira sai matenek no kualifikadu hodi kontribui ba
dezenvolvimentu nasional tanba dezenvolvimentu presiza ema ne’ebé matenek no
kualifikadu iha area oin-oin.
“Prepara joven ne’ebé sai matenek, fo
formasaun ba joven sira, atu kria sira nia mentalidade ba futuru, aprende para
bele implementa ou bele hetan netik buat ruma”, nia garante.
Nia argumenta, iha futuru mai MTC sei hadian fatin, tanba
fatin ida ne’e, rai la’os estatuto Mahon nian, maibe ne’e husi estatutu
patrimonia estado, tanba ne’e Mahon seidauk atu bele hadian, tanba estatuto rai
seidauk los.
Entertantu, Estudante Departmento
Administrasaun, Tome Alves Pereira esplika, hanesan estudante sente kontente
hodi tuir kursu iha MTC tanba bele aumenta sira koñesementu, kona-ba fasilidade
presiza aumenta.
“Hau hakarak rekomenda ba Diretor
Mahon atu bele aumenta diak liu tan fasilidade, kria mós kondisaun, atu prosesu aprendisazen
lao funsionario sira labele barullu, atu labele prejudika prosesu de
aprendisajen”, nia rekomenda.*
Reportajen:
Eusebio de Jesus
