(Grace Media), DILI- Tuir Komunidade Suku
Komoro, Postu Administrativu Dom. Aleixo, Munisipiu Dili, Florinda Martins katak, hanesan komunidade sente triste tebes tanba
lixu kontinua naklekar iha suku Komoro liu-liu area tasi tolu, wainhira tempu
udan hamosu inundasaun hodi estraga komunidade sira nia hela fatin.
‘’Hau hanesan
komunidade sente triste tebes wainhira, komunidade, sira laiha konsiensia soe
lixu arbiru”, dehan Florinda ba Jornalista Grace Media iha Tasi-Tolu–Dili,
Florinda (27/03/2019).
Florinda
hatutan, durante ne’e komunidade tasi tolu soe foer arbiru, fo impaktu negativu
ba komunidade tasi tolu sira, hodi hamosu inundasaun ou estraga komunidade sira
nia uma, no sasan sira.
‘’
Komunidade sira soe foer arbiru, tamba fatin lixu la sufisiente, entaun
komunidade sira soe foer arbiru, hodi fo impaktu negativu ba komunidade sira,
mosu inundasaun hodi estraga komunidade sira nia uma ou sasan”, Florinda
Preokupa.
Florinda
mós husu ba komunidade soe lixu iha lixeira fatin . No mós husu ba Governu
liu-liu Sekretariu Estadu Meiu Ambiente (SEMA) hodi kria fatin lixu atu nune’e
bele prevene soe lixu arbiru.
Iha Parte
Seluk, Komunidade Maria Sanção dos Santos esplika, hahalok komunidade nia soe
foer arbiru ne’e hatudu hahalok ne’ebé ladiak.
“Hau
hanesan komunidade preokupa ho hahalok komunidade sira seluk nian, soe foer arbiru,
soe la tuir fatin, hahalok ne’e ladiak, nune’e husu ba Sekertariu Estadu Meiu
Ambiente atu nune rezolve problema soe foer arbiru”, Maria sujere.*
Reportajen: Ekipa Kobertura.
