(Grace
Media), Dili-Saude iha ita nia liman rasik, ita tenke hadok-an husi konsumu
tabaku, tanba se ita lahadok-an husi konsumu tabaku, mak sei estraga ita nia
saude bele mós habadak ita nia vida.
Tuir Estudante-UNTL (Universidade
Nasional Timor Lorosae), Filomino Martins katak, hanesan joven tenke kuidadu
ita nia saude tanba ita nia saude importante tebes ba ita nia moris, se ita nia
saude ladiak fo impaktu negativu ba ita moris.
“Tuir hau nia haree ema barak konsumu
tabaku, konsumu tabaku fo impaktu ladiak ba ita nia saude”, dehan estudante ba
jornalista Grace Media iha jornalista iha jardin 5 de Maio, Colmera-Dili,
Tersa-feira (19/03/2019).
Filomino informa tan, hanesan joven
apresiza tebes ba politika Governu nia hodi hasae folin tabaku atu nune’e bele
reduz numeru konsumu tabaku iha Timor-Leste.
“Joven barak ne’ebé oras ne’e konsumu,
ita hotu hatene katak tabaku ne’e fo impaktu negativu ba joven sira, hanesan
joven tenke prevene ita nia-an rasik husi konsumu tabaku,”Filomino haklaken.
Entertantu, Joven, Bendito da Costa
Soares hateten, joven barak mak konsumu tabaku tanba ne’e husu ba joven sira
labele gastu osan ba tabaku nudar meius ida atu bele prevene moras tanba tabaku
fo inpaktu negativo ba joven sira.*
Reportajen:
Ekipa Kobertura
