(Grace Media), Aileu- Tuir Xefe Suku
Asubilitoho, Postu Administrativu Lekidoe, Munisipiu Aileu, Marito de jesus
esplika, eletrisidade nudar nesesidade importante ba komunidade sira, maibé
komunidade Aldei Biloco kontinua laasesu.
‘’Hau hanesan
autoridade lokal preokupa tebes, tanba komunidade aldeia refere la asesu ba
eletricidade”, dehan Xefe Suku ba jornalista Grace Media iha Aldeia Biloco-Aileu,
Kinta (28/03/2019).
Xefe Suku hatutan,
Suku Asubilitoho, kompostu husi aldeia tolu hanesan Adeia Biloko, Hautoho,
Asumata. Aldeia rua asesu ona, maibé Aldeia Biloco mak laasesu hodi fo impaktu
ba labarik sira nia estudu iha tempu kalan no susar asesu informasaun husi
media.
‘’Hau hanesan
autoridade local, hau iha ona planu prioridade hare hela ba aldeia sira ne’e,
planu importante liu mak hanesan eletricidade, edukasaun, saude no mós infraestutura,
tanba komunidade hein hela
dezenvolvimento, hau sei servisu hamutuk ho ita nia governo atu realiza preokupasaun
hirak ne”, Marito kompromete.
Entertantu, Komunidade
Aldeia Biloco, Suku Asubilitoho, Antónoi Maria Nunes dehan, hanesan komunidade
senti tristi tanba durante ukun-an to’o ohin loron seidauk asesu eletrisidade.
‘’Hau nudar komunidade
senti tristi tebes, wainhira hau lao ba aldeia seluk ho suku seluk, hare ahi
tama hotu, maibe ami Aldeia Biloco kalan nakukun hanesan iha fatuk kuak”, Antonio
lamenta.
Antonio akresenta,
durante ne’e kompañia tolu mak mai sorvei, pois sira promete dehan tama fulan
Abril dois mil diza seis (2016) ahi tama ona, maibé ate agora laiha.
“Ami aldeia ne’e
la asesu ba lina electricidade hodi fo
impacto mai ami, la akompañia informasaun fo sai husi media, dala barak ami
rona informasaun bosok mak barak, ami nia oan barak mk la asesu ba eskola tamba
kalan sira atu estuda ahi la iha, ami husu ba Governu atu rezolve sira nia
problema”, Komunidade rekomenda.**
Reportajen: Salomão Oliveira
