Dili –Sidade Dili hanesan fuan ba kapital
nasaun Timor-Leste, maibé ohin loron ema kontinua pinta buradu parede sira. Aktu ida ne’e hatudu hahalok inmoral.
Tuir Xefe Suku Lahane Oriental,
Trindade do Amaral Pinto Baptista katak, hanesan autoridade lokal lamenta ho
atetude ema individu balun, pinta at parede sira iha suku laran, ne’e hansan atetude ne’ebé mak laiha
moral no edukativu.
‘’Hau sente triste hare atetude husi individu
balun ne’ebé mak estragus ka pinta
at parede sira, ho atitude ne’ebé laiha moral, mai halo estragus ka pinta at parede sira ne’e”, dehan Xefe
Suku ba Jornalista grace media iha Lahane
Oriental-Dili, Kuarta-Feira (20/03/2019).
Xefe Suku hatutan,
relasiona ho atetude komunidade balun nian ne’ebé pinta no estragus parede sira
iha suku laran, nia husu komunidade sira atu halo kontrola ba idaidak nia hela
fatin.
“Relasiona
ho atetude komunidade sira nian ne’ebe pinta no estragus parede sira iha suku
laran, hau husu liliu ba parte kompetente
sira, bele toma atensun ba hahalok inmoral hirak ne’e, hodi nune’e bele identifika ema ne’ebe estragus
ona parede sira”, Xefe Suku sujere.
Entertantu,
Komunidade Suku Lahane Osidental, Mateus Fernades dehan, hanesan
komunidade lamenta ho atetude ema individu balun nian hodi pinta estraga parede
sira.
“Atitude
ne’ebé ladiak husi individu balun ne’ebé mak estragus ka pinta a’at
parede hirak ne’e, hetan duni
estragus husi ema deskonesidu no ema ne’ebé inmoral”, Komunidade lamenta.**
Reportagen: Monica Pires
