(Grace
Media), Dili-Grupu Tais Market Kolmera (GTMK) eziste hakarak atu dezenvolve
tais Timor oinsa atu kontribui ba dezenvolvimentu nasional. Tais timor nudar
identidade kultura Timor Leste nian.
Kordenador Grupu Tais Market Kolmera (GTMK), Manuel
Amaral esplika, GTMK hari iha tinan 2001, husi Governu interior MCIA (Ministerio Comerçio
Industria e Ambiente) hetan apoiu NGO
internasional Amerika nian liu husi apoiu ekipamentus.
“Inisiativa atu halibur Timor
oan sira ne’ebé
iha kreatividade hodi dezemvolve tais timor tanba, hakarak atu kontinua dezenvolve tais kultura
timor nian”, ’’dehan Manuel ba jornalista
Grace Media iha Kolmera-Dili,
Kinta-Feira (14/03/2019).
Manuel hatutan, fatin ne’ebé sira uza hodi halao negosio no
artezenatu ne’e ladun seguru ou livre
ba sira, maibé
durante ne’e MCI foti ona
dados atu hari merkadu tradisional
hodi faan sasan kultura Timor nian.
“Ami iha grupo ida ne’e
ho inisiativa atu halibur ita nia maluk sira ne’ebé iha kriatividade hodi
dezenvolve tais Timor nian,
atu nune’e labele halakon ita nia identidade kultura nian, maibe preocupasaun
ba ami mak fatin ladun
seguru ou livre”, Manuel
lamenta.
Entertantu, Negosiante
GTMK, Ines da Conseição hateten, iha ne’e faan tais,
maibé tais balu mai husi
distritu seluk, no balu sira
produs rasik, hanesan sira seluk.
Sira mós bele sosa hodi aumenta tan sira nian ne’ebé produs rasik, tanba sira labele halo barak.
“Ami
hanesan negosiante ne’ebé
faan tais iha fatin ne’e, atu fo hatene deit katak tais ne’ebé ami faan, balu ami
sosa husi distritu seluk, no balu ami produs rasik,’’ tenik Ines.
Ines
sublina, material
sira ne’ebé
sira uja hodi soru tais
mak hanesan kabas kor oin-oin no sira seluk tan, material sira ne’e , sira uja
rasik sira nia osan rasik. Alende rendimetu,
agora ne’e la hanesan uluk malae sira sei iha ne’e, kada loron ida sira hetan 40 dolar.
“Ami halao negosio faan
tais iha ne’e, no material sira ne’ebe ami uja hodi soru tais ami uza dunik ami nia osan
rasik, kona-ba
rendimentu ne’ebé
ami hetan defende maluk sira ne’ebé
mai sosa tais iha ne’e, sorti diak mak kada loron
ida ami hetan 40 dolar”, Ines haklaken.*
Reportajen:
Mesguita
Doria/Eta Ana Maria
