(Grace
Media ), Dili-
Timor Leste iha
potensialidade ba seitor turismu maibé oras ne’e Governu seidauk dezenvolve ho
diak. Faktus hatudu fatin turismu, João Paulo II, Kristu Rei no fatin seluk
tan, fasilidade sira hetan estraga husi vizitante, maibé Governu seidauk hadia.
Tuir Estudante
Instituisaun Superior Cristal(ISC), Antonio
Soares katak,
fatin turismu iha Timor-Leste oras ne’e
abandona hela husi Governu tanba
laiha politika diak.
“Hau sente triste tebes
wainhira hare ba ita nia turismo, ita
hatene katak fatin turismo ne’ebé ejiste iha Timor Leste
sai fator ekonomiku,
visitantes sira husi domestiku ka estrangeru ba visita bele hetan valor
ekonomiku liu-liu iha kapital
Dili ne’ebé oras ne’e abandona husi Governu”, dehan Antonio ba
Jornalista Grace Media iha Jardin 5
de Maio-Dili, Kuarta
(20/03/2019).
Antonio hatutan,
tuir lolos Governu tenke hadia, atu nune’e bainaka sira husi rai liur mai
visita ita nia fatin turismo sira bele selu tasa, ezemplu hanesan iha Kristu Rei tan
ne’e, husu ba Governu atu
bele rezolve problema ne’e.
“Hau hakarak husu ba Governu Timor Leste, se bele karik bele hadia
lalais fatin turismo sira ne’ebé, oras abandona husi Governu atu nune’e estrangeru sira ne’ebé hakarak mai visita ita
nia turismu, atria
sira nia sentimentu katak Timor mós iha turismo ne’ebé furak tebes", Antonio rekomenda.
Iha sorin seluk, Juventude, Natalino Ximenes Hornai
dehan, Timor Leste iha potensialidade turismu hanesan fatin natureza sira, maibé laiha interese husi Governu oinsa
atu hadia. Tuir lolos Governu tenke tau matan ba
fatin turismo sira ne’e
oinsa atu
dezenvolve para
bele atrai turista sira nia matan.
“Maibe abandona deit
hanesan soe foer arbiru no tesi ai arbiru, estraga ambiente natureza nia, ne’ebé hau sente obstakulu boot ba ita Timor
oan, especial
ba relavante ba ministerio turismo sira para bele akompañia no fo ideia ne’ebé diak ba komunidade sira ne’ebé estraga turismo”, Natalino
preokupa.
Natalino husu
Governu liu-liu Ministeriu Turismu atu bele tau matan ba seitor turismu iha
Timor Leste liu-liu iha Kapital Dili no Munisipiu sira, tanba seitor turismu
nudar seitor xave ba dezenvolvimentu nasional.
Reportajen: Sandro Amaral
