(Grace Media) Dili-Sentru Grace For
Development (GFD) liu husi Departementu Information and Technology (DIT)
realiza formasaun ho tema "Utiliza Teknologia Open Source Ba
Edukasaun". Objetivu husi formasaun ne'e atu bele haklean koiñesementu
estudante nian iha area IT.
Diretor
Grace For Development (GFD), Joannes Baptista da Costa Gomes iha abertura
formasaun ne'e esplika ba estudante sira katak, atividade formasaun ne'e
importante tebes ba estudante sira, atu bele aproveita formasaun ne'e ne'e ho
diak, nune'e bele haklean liu tan koiñesementu.
"Ita
halo formasaun ne'e, bele loke imi nia hanoin, aumenta imi nia kapasidade no
koiñesementu iha area IT ninia", dehan Diretor ba jornalista Grace Media iha Sentru Formasaun GFD
Vila Verde-Dili, Sabadu (30/03/2019).
Diretor
GFD mós husu ba estudante sira atu bele tau atensaun maximu ba formasaun ne'e, nune'e
formasaun ne'e remata bele hetan esperensia foun, koiñesementu foun, iha area
IT sai nudar bukae ba futuru.
Entertantu,
Orador Estaquio Maia dos Reis esplika, esperensia mak sai hanesan xave ba
susesu tanba ne'e, nudar joven ida hakarak fahe koiñesimentu no esperiensia
ne'ebé mak durante ne'e iha, fahe ba estudante sira hodi sira bele iha
koiñesementu.
"Hau
servisu iha kompañia Visimitra (EV), nudar tekniku ba area IT Support, hau nudar
joven foin sae, hakarak fahe tutan hau nia koiñesementu ne'ebé durante ne'e hau
aprende, implementa iha sistema, eskola no servisu", Orador informa.
Orador
sublina tan, Joven sira maioria estuda iha area informatika no barak mak koiñese
ona kona-ba Open Source. Nasaun Timor-Leste atu dezenvolve ba oin presiza
hatene IT tanba IT xave importante ba
dezenvolvimentu teknolojia.
"Joven
sira ne'ebé mak aprende ona, tenke kontinua hodi aprende nafatin no mós sira
ne'ebé sedauk aprende buka atu aprende, tanba buat hotu sempre loke dalan ba
ita idaidak, no aprende tuir idaidak nia hanoin rasik, saida mak ita hakarak
atu aprende hodi Dezemvolve rai Timor, se la'os ita se tan, se la'os agora
bainhira tan", Orador enkoraja.*
Reportagen:
Orlando Magno
