Dili
– Federasaun Taekwondo Timor Leste (FTTL) husi (Cabang) Dojang-UNPAZ (Universidade Da Paz) oras ne’e enfrenta
problema menus fasilidade tanba laiha orsamentu atu sosa.
Tuir
Treinador Dojang-UNPAZ, Quintiliano Fernandes Barros katak, taekwondo hanesan
federasaun desportu ida iha Timor-Leste, maibé oras ne’e enfrenta problema
menus fasilidade hodi difikulta atividade treinamentu inklui difikulta ba
prosesu preparasaun hodi partisipa iha eventu nasional no internasional.
“Kona-ba
fasilidade ami Dojang Universidade Da Paz, klaru agora dadaun ami nia
fasilidade seidauk sufisiente,ami nia cash
rasik seidauk iha, maibé ami iha hanoin, oinsa atu bele kria cash rasik, atu
nune bele sosa fasildade foun”, dehan Quintiliano ba jornalista Grace Media iha Kampus-UNPAZ-Dili, Sexta
(29/03/2019).
Treinador
sublina, durante ne’e sira seidauk iha proposta atu hato’o ba federasaun tanba
seidauk iha informasaun ruma husi federasaun, karik iha informasaun ruma husi
federasaun mak sira sei halo proposta hodi entrega.
“Responsabilidade
treinador nian, primeiro mak oinsa atensaun tomak ba atleta, atu atleta ne’e
iha fiziku ne’ebé mak diak hodi bele kompete iha eventu, bele mós prepara nia
mentalidade diak hodi hasoru ezame nasional”, Treinador.
Husu
kona-ba ezistensia Dojan-UNPAZ, treinador haklaken, Dojang-UNPAZ mosu tinan 2015, inisiativa husi
Reitor UNPAZ. Depois Dojan-UNPAZ eziste tia, eventu FESDATIL mosu, entaun
universidade mak delega atleta ba partisipa iha eventu konsege hetan rezultadu
diak tanba hetan terseiro lugar no premio oras ne’e entrega ba universidade.
“Dojang-UNPAZ
mós partisipa iha Eventu internasional mak hanesan Timor-Leste Open no Taekwondo
Festival Korea, akumula Dojang hotu-hotu hodi tuir Eventu refere. Atleta
husi Dojang ne’e rasik hetan nafatin terseiro lugar husi ema nain rua”,
Treinador afirma.
Iha
sorin seluk, atleta Dojan-UNPAZ, Vanisia Pinto hateten, hanesan atleta senti
triste hodi hala’o atividade treinu tanba fasilidade menus atu halo preparasaun
diak hodi partisipa iha eventu enventu nasional no internasional.
“
Hau sente kontente tamba hau bele mai treinu fatin ida ne, no aumenta hau nia
kapasidade, parte seluk hau senti triste tanba iha Dojang ida ne’e menus
fasilidade ba ami atu hala’o ami nia atividade treinu”, Vanisia dehan ho triste.
Entertantu,
Atleta Dojan-UNPAZ, Averus da Conceição Belo katak, Dojang
ida ne’e iha duni ekipamentus barak mak at, maibé hanesan atleta nafatin iha
komitmentu atu treinu tanba liu husi treinu bele aumenta tan kapasidade
defende-an iha moris realidade inklui partisipa eventu internasional hodi
hamorin nasaun Timor-Leste.
“Ami
uluk ne’e ekipamentus iha duni, maibé oras ne’e dadaun fasilidade sira ne’e mós
at hotu ona, no susar tebes ba ami atu halo preparasaun diak, atu nune’e bele
partisipa iha eventu ruma”, atleta preokupa.*
Reportajen : Erick Fernandes
