(Grace Media), DILI-Fati parkiran
(estasionamentu) iha Munisipiu Dili liu-liu area jardin 5 Maio oras ne’e lao diak tanba kontribuisaun
diak husi kondutor sira.
Tuir Seguransa
Estasionamentu Area
Jardin 5 Maio, Domingos Amaral katak, estasionamentu iha Kpital
Dili liu-liu jardin 5 Maiu ne’e
estabelese husi Governu
liu husi
Ministeriu Administrasaun Estatal (MAE) no durante ne’e lao diak.
“Estasionamentu iha area jardin 5 de Maio durante ne’e
lao diak. Karik motorista
para iha area ida ne’e mak la tuir regulamento ne’ebé mak Governu kria ona, ami sei koalia motorista sira hodi nunee sira bele
hatene”, dehan Domingos ba jornalista iha jardin 5 de
maio Kolmera-Dili, Tersa-Feira (19/03/2019).
Domingos hatutan, motorista sira para iha area ida ne’e, karik sira la sosa karsis mak sira nia
motor lakon, la bele rezolve tanba sira nia naran iha lista la
iha, se karik karsis sira sosa mak sira nia motor lakon entaun sei rezolve iha edifisio.
“Hau hanesan servisu estasionamento iha
area jardin 5 de Maio, hakarak husu ba governo atu bele hadia tan
estasionamento kareta ho motor nian iha Dili laran, no mós iha area sira seluk,” Domingos Sujere.
Iha fatin hanesan, Kondutor, Gregorio Gusmão esplika, hanesan motorista sente kontente
ho
estasionamento Governo kria ona, ne’e diak ba ita hotu tanba la para arbiru
no mos sei iha karta ou pajak, nee hanesan kontribuisaun ba
ita nia estado hodi fasilita ita nia dezenvolvimento iha ita nia rai.
“Hau hanesan motorista hateten katak, ami para iha estasionamento ida ne’e sente kontente tanba, staf sira
servisu iha area ne’e bele fo atensaun ba ami nia transporte sira hanesan kareta
ho motor,”Gregorio apresia.
Gregorio sublina tan, hanesan motorista ida husu ba Governo
katak, se bele kria tan estasionamento iha
area sira seluk tan, atu nunee bele tau atensaun ba ita nia transporte sira,
akontese sasan balun lakon. No ne’e bele kria kanpu serbisu ba joven sira.**
Reportajen: Adriano Gusmão/Imaculada I.M. Da C. Oliveira
