(Grace Media), Dili–Eletrisidade kontinua
mate lakan iha kapital Dili li-liu area tasi tolu hodi estraga komunidade sira nia sasan eletronika inklui atividade komunidade nian.
Tuir Komunidade Suku Komoro,
Postu Administrativu Dom. Aleixo, Munisipiu Dili, Jaimito da Costa hateten
katak, hanesan komunidade sente triste tebes tanba eletrisidade kontinua mate lakan iha area tasi tolu, hodi estraga komunidade sira nia sasan hanesan
Jelera TV no seluk tan.
“Hau hanesan komunidade husi Suko Komoro, sente triste tanba wainhira ahi mate, halo ami la bele hala'o
serbisu lorloron”, dehan Jaimito ba
jornalista Suku Komoro-Dili foin lalais ne’e.
Relasiona ho
problema ne’e, nia husu ba EDTL (Eletrisidade De Timor Leste) atu tau matan
didiak ba problema ne’e atu nune’e la bele akontese problema ahi mate lakan.
“Hau nudar komunidade, hau
hakarak husu ba ba EDTL (Eletrisidade De Timor Leste) atu bele rezolve problema
eletrisidade ne’ebé mate lakan iha kapital Dili, liu-liu Eletrisidade iha area
tasi tolu,’’ Jaimito garante .
Iha sorin seluk,
Komomunidade Suku Komoro, Domingas Soares
dehan, oras ne’e eletrisidade iha sidade Dili hodi fo impaku negativu ba komunidade
sira.
“Nia hanesan Komonidade Suku
Komoro, sente triste tebes tanba
wainhira eletrisidade lakan mate bele fo impaktu boot, no mós bele estraga
komunidade barak nia sasan,’’ Domingas sublina.
Domingas mós husu ba serbisu ba EDTL
(Eletrisidade De Timor Leste) EDTL atu
halo kontrola hodi nune bele rezolve problema kona-ba ahi mate lakan iha
kapital Dili.
“Hau hanesan Komunidade, hau hakarak
husu ba EDTL (Eletrisidade De Timor Leste) Chefe EDTL atu rezolve problema
eletrisidade ne’ebé mak lakan mate, hodi
estraga komunidade barak nia sasan”, Domingas sugere.*
Ekipa Kobertura
