Grace
Media), Dili-Edukasaun mak xave ba dezenvolvimentu nasional, maibé fasilidade hanesan,
meza no kadeira kontinua sai problema boot ba eskola sira iha area rural inklui
mós kapital Dili no to’o ohin loron Governu liu-liu Ministeriu Edukasaun (ME)
seidauk rezolve.
Tuir Diretora Ensinu Baziku
Sentral (EBC) Bidau-Akadiru-Hun, Ilda
Belo katak, problema ne’ebé eskola EBC hasoru mak falta meza no kadeira hodi
difikulta estudante sira nia prosesu aprendisajen.
“Hau hanesan Diretora Eskola Baziku, setin
katak oras ne’e meza ho kadeira falta,” dehan Diretora ba jornalista Grace Media iha Bidau, Akadiru-Hun,
Dili, foin lalais ne’e.
Diretora hatutan, iha tinan kotuk
liu ba, parte eskola halo proposta no entrega ona ba ME, maibé to’o ohin loron
seidauk iha resposta. Nune’e agora sira iha planu atu halo tan proposta hodi
haruka ba ME atu bele rezolve.
“Hau sei koko nafatin halon proporsta
ida hodi hatama ba Ministru Edukasaun atu rezolve problema ne’ebé eskola enfrenta”,
Diretora kompromete.
Entertantu, Estudante Natalia
Soares Amaral katak, hanesan
estudante sente triste tanba meza no kadeira falta, nune’e husu ba governu
liu-liu ME atu bele rezolve sira nia problema.
“Hau hanesan estudante, hau
senti triste tanba eskola
falta meza ho
kadeira”, estudante preokupa.*
Reportajen: Nilton N. V. Pinto
