(Grace Media), Díli – Autoridade Lokal
iha Suku Bebonuk, Postu Administrativu Dom Aleixo, munisipiu Dili apresia tebes ho atuasaun Polisia
Nasional Timor Leste nian ba problema iha Kapital Dili tanba durante ne’e
konsege hatudu profisionalismu.
Tuir Xefe suku Bebonuk, Serafim
machado, esplika katak, Polisia Nasional Timor leste (PNTL) hanesan seguransa
interna, durante ne’e halo patrollamentu iha Kapital Dili sempre ho
profisionalismu, maske asaun balun ses husi regra maibé ne’e normal.
“Hau nudar Xefe suku rekoinese katak
durante ne’e Polisia Nasional Timor leste (PNTL) halao sira nia knar iha
patrolhamento sempre ho profisionalismo maibe dala barak mos iha atuasaun balun
ne’ebe ses husi regras”, dehan serafim ba jornalista iha suku Bebonuk – Díli,
tersa
(05/03/2019).
Xefe suku hatutan, PNTL serbisu
profisional tanba sira halo tuir prosedimento i la profisional ne’e tamba dalaruma
atuasaun balun tuir lolos labele uza fisiku, maibé sira uza fiziku hodi hasoru
komunidade sira tanba ne’e mak presiza hadia.
Serafim sublina, hanesan autoridade
lokal fiar katak ba future membru Polisia Nasional Timor leste (PNTL) sira
ne’ebé akaba hotu graduação sai mai bele
hetan formasaun no koinesementu ba Lei ne’ebe diak atu
nune bele sai profisional liu tan iha sira nia serbisu.
“Hau nudar Xefe suku hakarak husu ba Nai Ulun
sira wainhira membru Polisia Nasional Timor leste (PNTL) akaba hotu graduasaun,
sai mai bele hetan formasaun no
koinesementu ba Lei ne’ebé diak atu nune bele sai profisional liu tan,” Xefe
suku optimista.
Iha sorin seluk, juventude suku
Bebonuk, Jack hateten katak, sente triste tanba Polisia Nasional Timor leste
(PNTL) serbisu tuir orden, maibé iha tempu balun sira uja sira nia sebisu ba
liu sira nia individual ou serbisu ba sira nia aan rasik tan ne’e mak Polisia
Nasional Timor leste (PNTL) la profisional iha sira nia serbisu.
“Tuir hau nia hanoin sente triste tamba
Polisia Nasional Timor leste (PNTL) serbisu tuir ordem maibe iha tempo balun
sira uja sira nia serbisu ba liu sira nia individual ou serbisu ba sira nia aan
rasik tan ne mak Polisia Nasional Timor leste (PNTL) la profisional iha sira
nia serbisu,”dehan Jack.
Jack tenik, iha atuasaun problema iha
kapital Dili serbisu Polisia Nasional Timor leste (PNTL) ladun profisional, nia
hakarak husu ba nain Ulun sira liu-liu ba Ministeriu Defesa no Seguransa atu
rekruta ema bele hatur ita nia Lei ita nia dignidade nudar seguransa duni hodi
nune’e povu mos bele tau fiar no serbisu hamutuk ho ita atu segura ita nia
nasaun ne’e ba oin.
“Hanesan Jovem suku Bebonuk, hau
hakarak husu ba Nai Ulun sira liu-liu ba Ministerio Defesa no Seguransa, atu
rekruta ema bele hatur ita nia lei ita nia dignidade nudar seguransa duni hodi
nune’e povu mos bele tau fiar no serbisu hamutuk ho ita atu segura ita nia nasaun
ne’e ba oin,” Jack sujere.**
Reportajen:
Lizete Maria Guterres
