Tuir Estudante
Universidade Nacional Timor Lorosa'e (UNTL), Juliano Prego hateten katak,
hanesan Timor oan sente lamentavel ba atetude no hahalok ema
deskoinesidu sira ne’ebé gosta uza ID falsu hodi trata lider nasional sira.
Aktu ne’e lakontribui ba dezenvolvimentu nasional.
"Ita la merese uza
konseito ne'ebé mal, tanba ita hatene katak, nasaun ne'e molok independensia
kontibuisaun husi lider sira. Nu'udar juventude tenke hatene-an ulitiliza media
sosial FB tenke tuir nia dalan", dehan Juliano ba jornalista Grace Media iha
Kampus Sentral-Dili foin lalais ne’e.
Iha sorin seluk,
Juventude, Domingos dos Santos esplika, ema idak-idak iha ninia konsiensia
oinsa atu uza media sosial liu-liu Facebook atu fo benefisiu ba ita la’os uza
facebook hodi trata lider sira.
"Babain ema utiliza
media sosial hanesan FB iha Timor-Leste, la’os ema maduru de'it, labarik kiik
mos utiliza. Kona-ba tarata ita nia lider nasional sira depende ba kestaun
konsiensia”, Domingos dehan.
Domingos argumenta, ita
Timor ne'e, iha faze aprendisajen kona-ba media ka apoza media,
apoza estuda konaba filosofia, etolojia sira ne'e faze iha transisaun nia
laran, signifika katak sei iha faze aprendisajen nia laran seidauk to'o iha
sinal ou limite (metas) ne'ebé ita aprende.
Entertantu, Diretor
Asosiasaun HAK, Manuel Monteiro dehan, ID falsu ne'ebé ema utiliza hodi insulta
lider nasional sira iha media sosial liu-liu facebook, ida ne’e hatudu etika
komunikasaun ne’ebé ladiak.
"ID falsu ne'ebé
ema utiliza iha media sosial ne'e lalaok politika ka adversariu politika,
maibé komunikasaun tenke iha étika. Informasaun falsu ne'e mai husi odio
vingansa la iha evidensia, kolia la bazeia ba faktu, lolos tenke kumpri
prinsipiu edukativu informasaun fatual no atual ema hakerek," Diretór
lamenta.**
Reportajen : Juliana Da
Silva
