(Grace
Media), Dili- Kondisaun terminal Becora oras ne’e klot, iha tempu udan hamosu
inundasaun no rai rahun inklui fatin parajen ba kareta sira laiha tanba ne’e
motorista sira husu ba governu presiza hadia.
Tuir
motorista, Manuel Freitas informa katak, hanesan motorista sente triste tanba
kondisaun terminal Bekora oras ne’e klot hodi difikulta motorista sira para
kareta ba, husi dirasaun Manatutu, Baucau, Lospalos no Viqueque.
“Hau
hanesan motorista senti la kontenti tamba hau hare ba kondisaun terminal husi munisipiu 3 nian ne la fo sufiesenti ba ami hodi para ami
nia kareta , tamba dala barak mos microlete hera no microlete dili laran mos halo hotu viagen iha fatin ida ne'e", dehan Motorista
ba jornalista Grace Media iha terminal Becora-Dili, foin lalais ne’e.
Motorista argumenta, dala barak sira para
trasporte iha estrada publiku hodi buka pasaJeiru sira tanba iha terminal laran
fatin klot ba sira, dalaruma (PNTL) Policia
Nacional Timor-Leste ba halo patrollamentu hodi tilan transporte ne’ebé para
iha estrada publiku.
“Ami husu bebeik ona ba guvernu maibe guvernu
laiha nafatin laiha resposta. Tan ida ne’e, iha biban ida ne’e, ami hakarak
husu nafatin ba guvernu hodi buka tan fatin diak ida mai ami hodi ami bele para
ami nia trasporte ba”, Motorista sujere.
Iha sorin seluk komunidae Suku Bekora, Jose da Silva
esplika, terminal Bekora la fo seguru ba komunida sira ne’ebé hela besik iha
fatin ne’e, tanba wainhira tempu udan bele estragus hotu sira nia sasan.
“Hau senti triste tanba terminal ida ne’e la fo
seguru mai ami nia moris, tanba wainhira tempu udan. Udan ben sulin tama hotu
mai iha terminal laran hodi fo impaktu
mai ami nia moris. Guvernu nunka mais atu haree ba povu nia terus no kiak”, Komunidade
dehan ho triste.**
Reportajen: Fauzan Gusmao
