(Grace Media), Dili-Udan
boot akontese iha semana kotuk liu ba, mota sobu uma iha Suku Komoro, Postu
Administrativu Dom. Aleixo, Munisipiu Dili, konsege hakanek joven nain rua ho
naran kompletu Emanuel dos Santos no Frangino de Jesus, iha tuku rua (02:00)
madrugada.
Tuir Vitima Frangino de
Jesus hatete katak, hanesan vitima sente hakfodak ho akontesementu dezatre
naturais ne'e tanba mota sobu uma ne'e hanesan mehi deit. Tanba momentu mota
tun iha sira nia fatin (Komoro-red) laudan.
“Ami la hatene
akontesimentu ida ne'e, iha ne'e la iha udan, ami mós toba sedu, akontesimentu
ida ne'e mosu iha tuku rua (02:00) madrugada, mai hau akontesimentun hanesan mehi
deit tanba hau la hatene aan", dehan Frangino ba jornalista Grace
Media iha Komoro-Dili, Sexta-Feira (15/03/2019).
Vitima hatutan, mota
tun sobu tia rai iha uma hun tarutu hakfodak haree bataku hanehan tiha alin, atu
ajuda alin maibé la bele tanba bataku monu kona tia ona ain tohar tia, entaun hakilar
hodi husu ajuda ba bizinu sira, kontaktu ambulansia hodi halo tratamentu ba
Hospital Nasional Guido Valadares (HNGV).
"Mota tun sobu tia
rai iha uma hun tarutu, hau hakfodak batako hanehan hau nia alin, hau atu ajuda
nia maibe la bele tamba bataku monu kona
hau nia ain halo tohar tia, entaun hau hakilar hodi husu ajuda ba bizinu sira”,
Vitima dehan ho triste.
Vitima Frangelino
afirma, maibé akontesementu ne'e liu ona, hanesan vitima hakarak agradese ba
vizinu sira nia laran luak, durante ne'e salva no ajuda nia ho nia alin husi
akontesementu no konsege fasilita sira ba HNGV hodi halo tratamentu.
“Hau agradese tebes ba
vizinu sira, tanba ajuda no salva ona ami rua husi akontesimentu nee, alende ne
sira mós telfone ba ambulansia mai tula ami hodi ba halo tratamentu iha Hospita
Nasional Guido Valadares (HNGV), iha
tratamentu ne'e hau nia ain sorin tohar," Frangino dehan ho mata wen.**
Reportajen : Ekipa Kobertura.
