(Grace Media), Dili-Lixu oras ne’e
kontinua naklekar iha Suku Manleuana, Postu Administrativu Dom. Aleixo,
Munisipiu Dili tanba soe husi komunidade sira ne’ebé laiha konsiensia.
Tuir komununidade
Suku Manleuana, Alipi da Silva hateten katak, hanesan komunidade sente triste
tanba suku ida ne’e, nakonu ho lixu ne’ebé soe husi komunidade sira, hodi fo
impaktu negativu ba komunidade sira wainhira udan bele hamosu inundasaun inklui
kria moras.
“Hanesan komunidade
suku Manleuana, sente triste, tamba hasoru Problema no komunidade sira soe foer
la tuir fatin lixu hodi kria susuk barak,” dehan Alipi ba Jornalista grace media iha suku Manleuana-Dili,
Sabado (09/02/2019).
Alipio dehan,
relasiona problma ne’e, hakarak husu ba Governu liu-liu Sekretariu Estadu Meiu
Ambiente (SEMA), atu bele kria fatin lixu iha sira suku Manleuana hodi nune’e
bele evita komunidade soe foer arbiru.
“Hau hanesan
komunidade husu Sekretariu Estadu Meiu Ambiente (SEMA), atu bele resolve lalais
ami nia problema kona ba komunidade sira soe foer la tau iha lixu fatin iha
suku Manleuana,” Sujere Alipio.
Reportajen; Esmeralda D.S.Gusmão
