(Grace Media), DILI - Komunidade
Aldeia Moris Foun, Suku Komoro, Posto Administrativo Don-Aleixo, Municipio Dili
oras ne’e enfrenta problema inundasaun wainhira tempo udan tanba laiha valeta.
Tuir
Komunidade Aldeia Moris Foun, Julio Manuel hateten katak, hanesan komunidade
sente triste, wainhira tempu udan sempre sempre hasoru problema inundasaun
tanba laiha valeta hodi bee sulin tuir halo komunidade moris laseguru.
“Sente triste tanba tempo udan akontese
inundasaun, straga hotu ami komunidade nia aihan no ai horis, inklui animal ne’ebé
ami hakiak, aat liu tan bee tama uma”, dehan Julio ba jornalista iha
Comoro-Dili, Segunda (11/03/2019).
Julio
hatutan, tinan-tinan inundasaun sempre
akontese, maibé to’o ohin loron governu liu-liu Ministeriu Obras Publika (MOP)
seidauk resolve sira nia problema, tanba ne’e, husu presiza atu rezolve
imediata sira nia problema.
“Hau hanesan komunidade ne’ebé hela iha Bairo
ida ne’e, hakarak husu ba governu, ka ministerio kompetente tun mai
direitemente mai iha fatin akontesementu atu hare rasik, atu nune’e bele
rejolve lalais ami nia problema inundasaun ida ne’e”, Julio sujere.
Iha
sorin seluk, Chefe Suku Komoro, Eurico de Jesus esplika, hanesan autoridade
lokal rekoiñese katak aldeia moris foun tinan-tinan sempre hasoru problema
inundasaun iha tempo udan, tanba bee
dalan laiha, maibé autoridade lokal kompromete sei halo proposta ba governu,
atu bele rezolve lalais problema inundasaun ne’e.
“Hau
nu’udar Chefe Suku iha responsabilidade maximu ba problema inundasaun, ne’ebe sempre
akontese iha tempo udan, ne’ebe planu sei halo proposta hodi entrega ba governo,
atu bele rejolve”, Eurico kompremete.
Xefe
suku sublina, oras ne’e sira iha ona planu hodi halo proposta hodi entrega ba
Ministeriu Obras Publika (MOP) atu bele rezolve tanba ita hatene oras ne’e,
tempu udan hodi fo perigu ba sira nia moris.
“Hau
nudar Xefe Suku, oras ne’e prepara ona proposta no iha tempo badak nia laran
sei entrega ba governu hodi rezolve imediata”, Xefe suku kompromete.**
