(Grace
Media), DILI-Governu liu husi Ministeriu Obras Publika (MOP) fo
konfiansa ba Kompaña Karia Timor – Leste (KKTL) hodi halo ponte foun iha suku
Bidau Santa, Postu Administrativu Kristu Rei, Munisipiu Dili. Projetu ne’e sei
finaliza iha fulan Maiu tinan ne’e.
Tuir Manajer Kompaña Karia Timor – Leste (KKTL), Jimi Batta
hateten katak, projetu ponte foun kompania halo hahu iha tinan 2017 no sei remata
iha fulan Maiu tinan ne’e. Tuir lolos obra finaliza iha tinan kotuk, maibé
lakonsege tanba durante ne’e mosu problema politika no kondisaun klimatika
afeita ba projetu.
“Ami nia tarjetu bele remata iha iha fulan Maiu tinan ne’e,
no projetu ne’e ami mai loke iha Suku Bidau Santana, halo ponte ho Estrada, nia
distansia hamutuk metru atus haat”, dehan Manajer ba jornalista Grace Media iha
suku Bidau Santana-Dili, Tersa-feira (05/03/2019).
Iha sorin seluk, Xefe Suku Bidau Santana, João Paulo Adrade
esplika, hanesan autoridade lokal sente kontente ba projetu ne’e tanba bele
loke tan ponte foun atu bele fasilita transporte. No kontinua akompania projetu
ne’e tanba projetu ne’e parte husi dezenvolvimentu nasional.
“Nudar lideransa komunitariu, ami sempre koopera no
komunikasasun ba malu, hau hanesan lideransa komunitariu senti kontenti tebes
tanba bele fasilita di’ak liu tan, Ponte foun nee la’os ba Suku Bidau Santana
deit, maibé ba ita hotu nia diak”, Xefe Suku afirma.
Entertantu, Komunidade Suku Bidau Santana, Umbelina Agusta
Soares informa, hanesan komunidade senti kontenti tebes tanba uluk ponte ida
deit, maibé agora loke tan ida ne’e di’ak no kapas tebes hodi fasilita
komunidade sira bele asesu.**
Reportajen : Aniceto R. da Piedade Belo.
