(Grace Media), DILI-
Eskola Sekundaria Jeral 12 Novembru oras ne’e, kontinua hasoru problema oioin
hanesan meza, kadeira, sala de aula inklui menus profesores hodi difikulta
estudante sira nia prosesu aprendisajen.
Tuir
Director Eskola Sekundaria Jeral 12
Novembru, Aniceto Pedro da
Costa hateten katak, eskola sekundaria jeral 12
Novembru nudar eskola estadu nian, maibe estadu laiha atensaun, tanba
problema eskola haosru mak hanesan menus sala aula, meza, kadeira, biblioteka
inklui menus profesores.
“Tuir hau
nia hanoin ho
problema ne’ebe 12 novembru
hasoru mak hanesan
sala aula la
sufisiente no mos
professor la to’o,
atu hanorin alunus
sira durante tempu naruk
nia laran, problema
ne’ebe mak ami
hasoru bele prejudika ba
estudante sira, hakarak eskola
ne’be diak fasilidade
tenki diak, hodi
bele fo vantagen
ba estudante sira,” dehan Aniceto ba
jornalista iha eskola 12 novembru
Becora-Dili, Quinta (17/1/2019).
Aniceto hatutan, problema ne’e, laos foin mak eskola
haosru, maibé problema ne’e akontese kleur ona to’o ohin loron estadu liu-liu
Ministeriu Edukasaun (ME) seidauk tau atensaun ba problema ne’e.
“Problema ne’ebe mak
12 Novembru hasoru
iha tempu badak nia laran ami sei
haruka karta ba ministeriu edukasaun (ME) hodi resolve problema hanesan bibleoteka no
uma ne’ebe mak hetan estragus husi tempu Indonesia no
crise 2006,” Aniceto kompromete.
Iha sorin
seluk estudante Oktavianu
nunes akresenta, relasiona
ho problema hanesan
sala aula, kadera, meza ne’ebe
mak menus hodi fo impaktu
negative ba sira nia prosesu estudu tanba ne’e estudante husu ba ME presiza
resolve lalais.
“Tuir
hau nia hanoin relasiona
ho problema ne’ebe
eskola enfrenta iha tempu
naruk nia laran tan
ne’e ami husu ba
ministeriu edukasaun bele atu hare ba
problema ne’e”,Octavianu sujere.
Entertantu
estudante sublina, nudar estudante sente
triste tanba fasilidade ne’e sai fator vital ba estudante
sira nia prosesu estudu, maibé laiha atensaun husi governu liu-liu ME**
