(Grace
Media), DILI – Ekonomia familia obriga tenke faan ikan. Liu husi faan ikan mak
bele hetan osan hodi sustenta ba nesesidade pesoal no familia. Labele tauk no
moe buka osan, atividade saida deit mak
diak halo importante mak labele nauk ema nia sasan.
Peskador Adolfo de
Carvalho hateten katak, nudar peskador sente kontenti tanba hanesan
peskador ida, ne’e mak ita nia serbisue loron-loron, hodi kaer ikan atu nune
bele faan ba vendedor sira hodi ajuda ekonomia familia nian, tanba laiha
servisu seluk.
“Nudar peskador hanesan
mos traballador ida, halao aktividade loron-loron kaer ikan, atu nune bele faan
ba vendedor sira, hodi sustenta ekonomia familiar’’, Dehan Adolfo ba Jornalista iha Bebonuk –
Dili, Tersa ( 12/03/2019 ).
Adolfo hatutan, serbisu
hanesan peskador ne’e diak tanba oras ne’e tempu udan hetan ikan barak hodi
faan, nune’e bele hetan osan fo benefisio ne’ebe diak tebes ba sira hodi kaer
ikan barak durante fulan Marsu to’o fulan Abril nia laran.
“Vantazen no
desvantazen ne’ebé maka ami infrenta hare liu ba klima ne’ebe diak, ami bele
hetan osan hodi sustenta familia uma laran, no wainhira tempo ou klima ne’ebé
la diak hanesan tasi laloran boot anin bot sira sei la bele halao aktividades
pesca nian tamba klima la diak fo impaktu negativu ba sira nia vida, iha parte
seluk sira husu mos ba Governo kria kontrolo maximo iha area maritima tanba sei
iha ema balun maka halao movimentu peska ilegal iha Tasi Timor”, Adolfo
esplika.
Adolfo salenta, durante
hala’o atividade peska sempre hasoru problema tanba seidauk iha koinesementu oinsa
halo jestaun ba ikan tanba ne’e husu ba Governo liu-liu ba Ministerio
Agricultura e Pescas, tenke kria sistema ida ne’ebe maka diak halo kontrolu
hodi fo treinmento ba pescador sira no mos ajuda material pesca nian ba sira
atu nune’e sir abele kompete ho peskador sira husi rai liur tamba pesador Timor
barak mak sei uja hela material antigu no tradisional ne’ebe maka tempo uluk
nian.
“Ami ejizensia ba
Governo tenke ajuda material hanesan,
roo, bero, redi, kail no makina tenke kria mos fatin ne’ebé dignu atu
nune’e peskador sira bele konsentra hotu iha fatin ida”, adolfo sujere.
Reportagem : Mariano Lemos Alves
