• Pratika Sobu no Monta CPU

    Estudante Husi departamentu Informatika hala'o pratika ba Komputador

  • Formador Jornalismu foto hamutuk ho Presenter RTTL e.P

    Formador Jornalismu foto hamutuk ho Presenter RTTL e.P Dacky Belo

  • Estudante Jornalismu Halao Pratika

    Estudante Jornalismu hala'o pratika kona ba Shoot Imajen

Sunday, 31 March 2019

KOMJER FOUN SIMU POSE IHA ANIVERSARIU PNTL BA DALA XIX

 (Grace Media),Dili-Komandante Jeral (KOMJER) PNTL foun, Faustino da Costa ho Segundu Komandante Jeral PNTL, Mateus Fernandes, simu tomada pose, husi Primeiru Ministru (PM), Taur Matan Ruak hodi troka komandante sesante Julio da Costa Hornai, iha serimonia aniversariu PNTL (Polisia Nasional Timor Leste) ba dala XIX.

Tuir Komandante Jeral PNTL Foun, Faustino da Costa katak, kargu foun ne'ebé nia simu hanesan ondra no previlejiu espesial ida ba nia hodi halao misaun servisu ba kauza publiku.

"Hau ho ondra no previleizu espesial hodi simu kargu Komandante Jeral PNTL, esperitu misaun, ba kauza publiku", dehan Komjer iha diskursu aniversariu PNTL ba dala XIX, iha Centru Formasaun Polisia (CFP) akademi Komoro-Dili, Kuarta-Feira (27/03/2019).

Komjer hatutan, durante tinan 10 resin serbisu iha instituisaun PNTL, hatene serbisu PNTL nian, oinsa atu valoriza no tane aas estadu nia interese.

"Hau promete katak, hau sei kontinua didikasaun no esperitu misaun hodi hatan ba fiar ne'ebé fó mai. Hau simu hanesan prova solidariedade instituisional no iha kauza husi amizade pesoal. Nai ulun sira nia prezensa sai sasin ba promesa hau nia mandatu", kompromete Faustino.

Nudar Komadante Jeral PNTL, deklara sei serbisu hamutuk ho Segundu Komandante Jeral PNTL, hodi lidera PNTL ho responsabilidade tuir lei no konstituisaun haruka.


Reportajen: Orlando Magno

FRATER 5 SIMU ORDENASAUN DIAKONAL HUSI BISPU DIOCESE DILI

(Grace Media), DILI- Frater nain 5 husi kongregasaun OFM.CAP hanesan, Eugenio Redentor, Hermenegildo Sarmento, Carlito Teti-Laca, Roberto Lafu no Mariano Maia, simu ordenasaun diakonal husi, Bispo Diocese Dili, Dom Virgilio Do Carmo Da Silva, SDB.

Tuir Diakono, Roberto Lafu, OFM.CAP katak, simu ordenasaun diakonal husi Bispu, ne'e grasa ida ne'ebé nakonu  ho sentimentu orgullu. Agradese mós  familia  tanba ho sira nia apoiu moral bele reiliza mehi.

“Hau senti orgullu, prosesu to ohin loron liu-liu kona-ba preparasaun atu hakat ba pasu diakonal ne’ebé hala’o ba vida Sacerdotal, no iha vida misteriu", dehan Roberto ba Jornalista sira iha Igreja Catedral-Dili, Tersa-Feira (03/2019).

Diakono mós agradese ba kolega no familia sira basa sira nia orasaun bele ajuda sira hodi realiza mehi ne’ebé mak sira iha. maske durante ne'e hasoru problema barak, maibé durante ne'e konsege hakat liu, mak ohin loron bele susesu.
Iha fatin hanesan Representante Familia Diakono, Mateus Abi esplika, hanesan reprezentante familia diakono nain 5, sente kontente no agradese ba maromak basa nai nia tulun ohin loron bele hetan susesu.

“Hau representante familia, sente kontente tebes tanba ida ne’e planu maromak nian, hau apresia tanba ho sira nia esforsu-an tomak ne’ebé mak sira halao durante  iha vokasaun ida, maromak bolu ona, ami familia prontu halo tuir nai maromak nia knar”,  Mateus agradese.


Reportajen: Calistro Antonio Pereira / Rofina Boavida
 


Sunday, 24 March 2019

DACKY BELO OFERESE FORMASAUN TEKNIKU APRENDE SAI APREZENTADOR TV BA EDJ-GFD

(Grace Medi), DILI-Jornalista senior hanesan mós prezentador (Presenter) profisional Televizaun iha instituisaun Radiu Televizaun Timor-Leste. Empreza Publika (RTTL.EP), oferese formasaun presenter Televizaun ba Estudante Departementu Jornalismu iha Sentru Formasaun Grace For Development (EDJ-GFD) ho tema "Tekniko Aprende Sai Aprezentador".

Tuir Estudante Grace For Development (GFD), Margarita dos Santos Vieira, Senti orguillu ba formasaun presenter televizaun ne'ebé oferese husi jornalista senior ne'e, oinsa atu bele hasae koiñesementu estudante nian iha area prezentador.

"Hau senti orguillu tebtebes tanba GFD bele halo kordenasaun ho instituisaun RTTL.EP, hodi konvida Jornalista presenter, Dacky Belo, mai fó formasaun, oferese ninia matenek no esperiensia ba estudante Jornalista GFD kona-ba aprezentador iha Televisaun", dehan Margarita ba jornalista grace media iha Sentru Formasaun GFD, Vila-Verde-Dili, Sabadu (23/03/2019.

Estudante haktuir, Jornalista presenter televizaun, Dacky nia esperiensia ne'ebé mak nia fahe ba sira nudar parte ida oinsa atu bele enkoraja jornalista foun sira ne'ebé durante ne'e tuir formasaun iha GFD. 

"Hau kontinua esforsu-an nafatin, hodi aprende knaar jornalista nia, liu-liu kona-ba oinsa atu sai aprezentador ne'ebé mak diak iha Futuru", Estudante GFD kompromete.

Estudante dehan, atu dezenvolve kapasidade estudante nian iha area jornalismu, mak Sentru Formasaun GFD presiza serbisu hamutuk ho instituisaun media sira iha Timor-Leste, tantu husi media imprime, media eletronika no media online atu nune'e bele haklaean koiñesementu. 
 
" Husu ba Diretor, se bele karik iha futuru, kontinua halo kordenasaun diak liu tan ho instituisaun nasional RTTL, no instituisaun sira seluk atu nune'e bele mai fahe sira nia esperiensia liu-liu kona-ba area Jornalismu nian ", Margarita sujere.

Entertantu, Estudante Departementu Jornalismu-GFD, Calistro Antonio Pereira argumenta katak, esperiensia ne'ebé mak jornalista senior, Dacky Belo fahe, bele kapasita sira nia koñesimentu nudar Jornalista iha futuru. 

"Esperiensia ne'ebé mak maun Dacky fahe, bele kapasita ami nia konhesimentu nudar Jornalista iha futuru. Haforsa ami nia abilidade ne'ebé durante nee ami aprende husi ami nia formador sira, hau nia mehi hakarak sai Jornalista ne'ebé diak iha futuru liu-liu aprezentador iha Televizaun no Radiu", Calistro optimista.

Calistro sublina, hakarak sai futuru jornalista tenke hasoru dezafiu oioin, maibé tenke simu ho pasiensia hodi kontinua lao ba oin, oinsa atu bele realiza ita mehi ba futuru.**


Reportajen: Orlando Magno
 


Saturday, 23 March 2019

TVE LANSA PROGRAMA FOUN LIVE STREAMING

(Grace Media), Dili-Media Televizaun Edukasaun Timor (TVE-T) halo lansamentu ba programa foun live streming objetivu atu fasilita komunidade sira ho informasaun liu husi internet.

Diretor Ezekutivu Televizaun Edukasaun Timor (TVE-T), Armindo Crisna Caetano hatete, lansamentu program foun live streming ne'e importante tebes oinsa atu fasilita informasaun ba komunidade sira.

"Ohin ita halo programa lansamentu iha kanal televizaun ida ne'e, ita nia oan sira mak sei asesu no foin sae sira mak aproveita sira nia talentu", dehan Diretor TVE-T liu husi diskursu iha lansamentu programa foun TVE-T iha Komoro-Dili, Sexta (21/03/2019).

Diretor haktuir, nunka imajina katak TVE-T ne'e atu ba oin, tanba ema timor oan sira ne'ebé serbisu iha TVE-T laiha ema ida meritu no esperesia TV, maibé tanba deit esperensia oituan ne'ebé iha tau hamutuk konsege lori TVE-T oin no fasilidade kamera hetan tulun husi timor oan sira. 

"TV edukasaun hetan ajuda husi  kompañia Tinolina ajuda kamera no mós ajuda ba buat hotu-hotu, ita so agradese deit  ba Agustino. Dadaun ne’e eskola nakfila ba estudiu TVE-T", Diretor agradese.

Iha sorin seluk, Nain Kompana Tinolina, Agustino Gomes esplika, hanesan timor oan, prontu apoiu nafatin TVE-T, tanba TVE-T hanesan media ida ne’ebé iha papel importante hodi kontribui ba dezenvolvimentu nasional liu husi informasaun.

"Iha tinan kotuk Diretor, Armindo komvida hau, mai halo vizita iha fatin ida ne'e, hau haree TVE-T  presiza duni ekipamentu barak, entaun hau  hanesan Timor oan no mos hanesan emprezariu ida hau bele fo apoiu", Agustino esplika.

Entertantu,  Reprezentante Governu, Sekretariu Estadu Komunikasaun Sosial (SEKOMS), Mericio Juvinal dos Reis "Akara" informa, hanesanm Governu kontinua enkoraza meius komunikasaun sosial hotu-hotu liu-liu media TVE-T para bele Dezemvolve- an tuir teknolojia moderizasaun.

"Hau reprezentante VIII Governu konstituisional, mai partisipa eventu importante ida ne'e, enkoraza TVE-T ho media hotu-hotu para dezemvolve-an tuir teknolojia moderizasaun, hatudu komitmentu, atualiza, dezemvolve-an tama faze digital", Akara apresia.

Akara argumenta, Governu kontinua enkoraza TVE-T para kontinua existi hodi dezemvolve-an liu husi teknologia dizital ida ne'e ho programa live streming TV, ne'e sei lori timor ba mundu laos deit divulga notisia, maibé sei promove timor nia potensialidade iha area turismu no kultura atu nune'e mundu bele hatene.**


Reportajen: Orlando Magno/Carlos da Conceição Quenat