(Grace Media), DILI- Negosianate roda tolu liu-liu faan nuu iha jardim largo Lecidere oras ne’e menus hetan rendimento tanba kauza husi empasse politika rai laran.
Tuir Negosiante, Markus Soares hateten katak , hanesan negosiante sente triste tebes tanba kada loron lahetan rendementu ne’ebé diak kompara ho tinan uluk.
“Hau nudar negosiante ne’ebé fan nuu iha largo Lesidere nee, sente triste, tanba rendimentu neebe ami hetan oituan deit,” dehan Markus ba Jornalista Grace Media iha largo Lesidere-Dili, Segunda (4/02/2019).
Markus akresenta tan katak, relasiona ho problema menus rendimento, nia nudar negosiante, husu ba ukun nain sira atu resolve lalais situasaun politika atual iha rai laran atu nune’e labele fo impaktu negativu ba sira nia atividade negosiu.
“Hau hanoin kona-ba rendimentu ne’ebé ami hetan menus liu kada loron, tanba situasaun politika ne’e, ho nunee hau husu ba nai ulun sira atu bele resolve lalais situasaun politika ne’ebé oras nee seidauk lao ho diak,’’ Markus Sujere.
Iha fatin hanesan negosiante, Lucia da Costa esplika, nia senti triste tanba sira nia sasan ne’ebé faan iha area refere ladun folin hanesan baibain, maibé obrrigatoriomente sira tenki mantein hodi kontinua halo negosiu tanba ida nee mak sira tenki halo hodi sustenta sira nia moris loroloron.
“Hau nudar negosiante senti triste tanba loron-loron ema hola ami nia sasan ladun barak, maske sasan ladun folin mos, ami tenki faan nafatin, tanba ami halo negosiu hanesan nee mak loron-loron ami hodi sustenta ami nia nesecidade uma laran,’’ Lucia afirma.
Entertantu negosiante ne’ebé faan sasan iha largo lecidere ne’e mos rekomenda ba governu atu bele tur hamutuk hodi buka solusaun ne’ebé diak, atu hakotu problema impasse politika ne’ebé oras nee lao, atu nunee labele fo impaktu ba desenvolvimenu ekonomia rai laran.
“Hau hakarak husu ba nai ulun sira, atu tur hamutuk hodi resolve problema impasse politika ne’ebé oras ne’e lao seidauk loos,’’ Lucia rekomenda.**
Reportajen: Eta Ana Maria de Jesus
